ဟိုက္ကုကဗျာ(ဟိုင်းကုကဗျာ)（俳句)

　ဟိုက္ကုကဗျာ(ဟိုင်းကုကဗျာ)（俳句)ဆိုတာ ကမ္ဘာမှာ အတိုဆုံးကဗျာလို့ ပြောခြင်းခံရပြီး အဲဒိုခေတ်မှာ စတင်ပေါ်ပေါက်ခဲ့ပေမယ့် မေဂျိခေတ်နောက်ပိုင်းမှာမှ ခေတ်စားလာခဲ့တာပါ။ စကားလုံး ၅ လုံး ၊ ပြီးတော့ ၇ လုံး ၊ ပြီးတော့ နောက်ထပ် ၅ လုံးနဲ့ စပ်ရတဲ့ ကဗျာလေးကို ဟိုက္ကုကဗျာ(ဟိုင်းကုကဗျာ)（俳句)လို့ ပြောလေ့ရှိပါတယ်။ အထူးသဖြင့် ရာသီဥတုရဲ့ သာယာလှပမှုကို ခံစားဖွဲ့ဆိုတာပါ။ ကာရန်နဘေထက် စကားလုံး အရေအတွက်ကို ဦးစားပေးလေ့ရှိပါတယ်။ အခုချိန်ထိလည်း ဂျပန်ဘာသာနဲ့ စပ်တဲ့ ဟိုက္ကုကဗျာ(ဟိုင်းကုကဗျာ)（俳句)ဆိုရင် ၅၊ ၇၊ ၅ နဲ့ စပ်လေ့ရှိပြီး ရာသီဥတု အလှအပကို အဓိက ထားပြီး စပ်လေ့ရှိပါတယ်။ နိုင်ငံခြားသား ဟိုက္ကုကဗျာ(ဟိုင်းကုကဗျာ)（俳句)ပညာရှင်တွေ စပ်ဆိုတဲ့အခါမှာတော့ ၅၊ ၇၊ ၅ နဲ့ ကိုက်ညီပြီး စပ်ဆိုတာတွေရှိသလို အဆင်ပြေသလို စပ်ဆိုနေတာတွေလည်း ရှိနေပါတယ်တဲ့။
နာမည်ကြီး ရာသီဘွဲ့ဟိုက္ကုကဗျာ(ဟိုင်းကုကဗျာ)（俳句)တွေကို ဖော်ပြပေးလိုက်ပါတယ်။

နွေဦးရာသီအတွက် စပ်ဆိုထားတဲ့ ကဗျာပါ။
雪溶けて　　　　 နှင်းလည်းကွဲခဲ့ပြီ
村いっぱいの　ရွာတခွင်လမ်းမတွင်တော့
こどもかな 　　　ကလေးချည်းပါလား

အဓိပ္ပာယ်ကတော့ နွေဦးရာသီရောက်လာပြီ ဖြစ်သည့်အတွက် နှင်းတွေလည်း အရည်ပျော်ကုန်ပါပြီ။ ဆောင်းရာသီတုန်းက အိမ်ထဲမှာပဲ ကစားခဲ့ရတဲ့ ကလေးများသည် တပြိုင်တည်း အိမ်ပြင်သို့ ထွက်ခါ ကစားစပြုလာကြပါသည်။ ရွာထဲမှာ ကလေးတွေကို နေရာအနှံ့တွေ့နေရလို့ ဒီလောက်တောင် ကလေးတွေရှိနေပါလားလို့ အံ့ဩလောက်မိအောင်ပါပဲ။

နွေရာသီအတွက် စပ်ဆိုထားတဲ့ ကဗျာပါ။
しずかさや 　　　　　တိတ်ဆိတ်လွန်လွန်းလို့
岩にしみ入る　　　　ကျောက်ဆောင်ထဲသို့ တိုးဝင်သွား
蝉の声 　　　　　　　အကောင်အော်သံလား

အဓိပ္ပာယ်ကတော့ တောင်ပေါ်မှာရှိတဲ့ ဘုရားကျောင်း၌ အရမ်းကို တိတ်ဆိတ်လွန်းအားကြီးလွန်းလို့ CICADA ကောင်လေးရဲ့ အော်သံကိုတောင် ကြားရလောက်အောင်ပါပဲ။ အဲဒီ CICADAကောင်လေးအော်သံဟာ အနီးတဝိုက်မှာရှိတဲ့ ကျောက်ဆောင်ထဲသို့ တိုးဝင်သွားသလို ခံစားရပါတယ်တဲ့။

ဆောင်းဦးရာသီအတွက် စပ်ဆိုထားတဲ့ ကဗျာပါ။
荒海や 　　　　　　　ခက်ထန်သောပင်လယ်
佐渡に横たふ 　　　　ကျွန်းကို မျက်နှာချင်းဆိုင်၍
天の川　　　　　　　 ကောင်းကင်မြစ်လည်းရှိ

အဓိပ္ပာယ်ကတော့ မျက်စိရှေ့မှာ ကြီးမားခက်ထန်တဲ့ ပင်လယ်ကြီးကို မြင်နေရပြီး ညအခါမှာတော့ မှောင်မိုက်နေပေမယ့် ကျွန်းလေးကို ခပ်ရေးရေးမြင်နေရပါတယ်။ ကောင်းကင်ကြီးကတော့ ကောင်းကင်မြစ်ကြီးကြောင့် နှစ်ခြမ်းကွဲသလိုပုံစံနဲ့ ပြန့်ကျဲနေပါတယ်။

ဆောင်းရာသီအတွက် စပ်ဆိုထားတဲ့ ကဗျာပါ။
斧入れて ပုဆိန်ကို ကိုင်မှ
香に驚くや မွှေးရနံ့က အံ့ဩရ
冬木立 ဆောင်းသစ်ပင်တဲ့ကွ

အဓိပ္ပာယ်ကတော့ သစ်ပင်ကို ခုတ်မယ်လို့ ရည်ရွယ်ပြီး ပုဆိန်ကို ကိုင်လိုက်စဉ်၊ ခြောက်သွေ့နေပုံရတဲ့ အပင်မှ ရှင်းသန့်သော အမွေးနံ့သာကို ရရှိခါ၊ သစ်ပင်ရဲ့ ရှင်သန်နိုင်စွမ်းအားမှာ အံ့ဩခဲ့ရ၏။

ဟိုက္ကုကဗျာ(ဟိုင်းကုကဗျာ)（俳句)နဲ့ ခပ်ဆင်ဆင်တူပြီး ရာသီဥတုအလှဘွဲ့ကို မစပ်ဆိုတဲ့ ကဗျာကို ဆန်းလျူးကဗျာ(川柳)လို့ ခေါ်ပါတယ်။ ဆန်းလျူးကဗျာ(川柳)က ဟိုက္ကုကဗျာ(ဟိုင်းကုကဗျာ)（俳句)လိုမျိုးပဲ စကားလုံး ၅ လုံး ၊ ပြီးတော့ ၇ လုံး ၊ ပြီးတော့ နောက်ထပ် ၅ လုံးနဲ့ စပ်လေ့ရှိပေမယ့် ယခုလက်တလော အခြေအနေ၊ ဖြစ်ပျက်နေတဲ့ လောကသဘာဝကြီးကို သရော်စာဆန်ဆန် ၊ ဟာသဆန်ဆန်ရေးဖွဲ့လေ့ရှိပါတယ်။ အဲဒိုခေတ်မှာ အရမ်းကို ခေတ်စားခဲ့ပြီး ယခုမျက်မှောက်ခေတ်တိုင်အောင် လူကြိုက်များနေပါတယ်။
ဆန်းလျူးကဗျာ(川柳)ကို ဖော်ပြပေးလိုက်ပါတယ်။
ဂျပန်မှာ နံမည်ကြီးပုံပြင်တပုဒ်ဖြစ်တဲ့ (ဝါးထဲက မိန်းမငယ်ပုံပြင်)အကြောင်းစပ်ဆိုထားတာပါ။

　その後は　　　　ဒီနောက်ပိုင်းမှာတော့
　翁こはごは　　　 အဖိုးအို ကြောက်ကြောက်ရွံ့ရွံ့
　竹を切り　　　　ဝါးကို ကြည့်၍ခုတ်

　အဓိပ္ပာယ်ကတော့　 ဝါးထဲမှာ မင်းသမီးလေးတပါးကို တွေ့ခဲ့ရတဲ့ အဖိုးအိုကြီးဟာ တွေ့ရှိပြီးနောက်ပိုင်းမှာတော့ ဝါးခုတ်ခါနီးတိုင်း ကြောက်ကြောက်ရွံ့ရွံ့နဲ့ ပုဆိန်ကို ရွယ်လေ့ရှိကြောင်းကို စိတ်ကူးယဉ်စွာ ရေးစပ်ထားတာပါ။

ဟိုတစ်ခါ ပေါက်တက်ကရ ကျမ လျှောက်စပ်ထားတဲ့
ဆန်းလျူးကဗျာ(川柳)ကဗျာလေးတွေလည်း ဖော်ပြပေးလိုက်ပါတယ်ရှင်။ ;)

ရေသံကဗျာတဲ့
ကမ္ဘာကျော်တဲ့ ကဗျာကွဲ့
ကိုရင်ညိန်းပြောရဲ့

ကျေးဇူးတင်ပါတယ် ​
ကိုရင်နော် နဲ့ ခင်လေးငယ်
ကဗျာစပ်ပေးတယ်

x y b o သည်
နှစ်ခါ ကဗျာစပ်ကူသည်
ကျေးဇူးတင်ထိုက်၏။

မှတ်ချက်၊ အထက်ဖော်ပြပါ ကဗျာများမှာ ဂျပန်ယဉ်ကျေးမှုဘာသာရပ်တွင် သင်ကြားခဲ့ရသော ကဗျာများဖြစ်ပါသည်။ ကဗျာမူရင်းနှင့် ဘာသာပြန်မှာ ဆရာသင်ကြားပေးသည့်အတိုင်း ဖြစ်ပါသည်။ မြန်မာလို စပ်ဆိုထားတဲ့ ကဗျာများမှာ သင့်တော်သလို ကျမ စပ်ဆိုထားခြင်း ဖြစ်ပါကြောင်း။ :p
ထိုကဗျာများကို ပိုပြီးသင့်လျော်အောင် ဘာသာပြန်၍ စပ်ဆိုပေးနိုင်မယ်ဆိုရင် စပ်ဆိုပေးကြပါလို့ တောင်းဆိုလိုက်ပါသည်။ :y