ဝမ်းနည်းစွာဖြင့် အကြောင်းကြားခြင်း

ဒီနေ့နဲ့ဆိုရင် ကျမရဲ့ Blogလေး (2)လနဲ့ (8)ရက် ရှိသွားပါပြီ။လာရောက် အားပေးကြတဲ့ မိတ်ဆွေ၊မောင်နှမများ အားလုံးကို အထူးပဲ ကျေးဇူးတင်ရှိပါတယ်။

တကယ်တော့၊ကျမက　ဂျပန်တက္ကသိုလ်တခုမှာ　ပညာသင်ကြားနေတဲ့　ကောင်မလေး(1)ယောက်ပါ။　နောက်ဆုံးနှစ် (4年生)ရောက်ခဲ့ပါပြီရှင်။နောက်ဆုံးနှစ်ဆိုတော့ Thesis(卒業論文)မရေးလို့ မရပါဘူးတဲ့ရှင်။Thesis(卒業論文)မရေးချင်လို့ ပေပေတေတေနဲ့ နေလာလိုက်တာ ဟိုတနေ့က ဆရာမဆီက Warning E-mail လာပါတော့တယ်။။(9)လပိုင်း လဆန်းကို အကြမ်းဖျဉ်း အကုန်လုံး ရေးပြီး တင်ပါတဲ့။ဘုရား၊ဘုရားဆိုပြီး အခုမှ နည်းနည်း ကြောက်လာတော့တယ်ရှင့်။စာမျက်နှာ(24)မျက်နှာခန့်၊ စာလုံးရေ (20000)ကို (1)လနဲ့ အပြီးရေးရတော့မယ်။နောက်ပြီး၊အကုန်လုံး ဂျပန်လို၊ယူထားတဲ့ မေဂျာကလည်း စီးပွါးရေးနဲ့ ဆိုင်တာဆိုတော့ ကိုယ့်Thesis(卒業論文)နဲ့ဆိုင်တဲ့ ဇယားတွေကို ကိုယ့်ဘာသာကို ဆွဲရမယ်။ဘာစာအုပ်မှ လည်း အခုချိန်ထိ မဖတ်ရသေး။Internet က အချက်အလတ်လေးတွေတော့ ဆရာမက အတင်းရှာခိုင်းထားလို့ တချို့တဝက်ရှိနေပါပြီ။　ကိုယ့်Thesis(卒業論文)နဲ့ဆိုင်တဲ့ သတင်းအချက်အလတ်တွေအတွက် သတင်းစာတွေလည်း ဖတ်ရအုန်းမယ်။　အမလေး၊　စဉ်းစားလိုက်တာနဲ့တင် တော်တော်ကို ကြောက်လာပြီရှင့်။
ကယ်တော်မူကြပါအုန်း　လို့ အော်လိုက်ချင်ပေမယ့် ကိုယ့်အပြစ်နဲ့ ကိုယ်ဆိုတော့လည်း ဘယ်သူမပြု မိမိမှု၊ကိုယ့်ထိုက်နဲ့ ကိုယ့်ကံပဲ ရှိပါစေတော့ရှင်။
ဒီကောင်မလေး ဘာတွေလာရေးနေပါလိမ့်လို့ တွေးနေကြပါသလား။　ဒီလိုရှင့်၊　အခုချိန်ကနေစပြီး အရင်တုန်းကလို တနေ့(1)ပုဒ် Postရေးဖို့ မပြောနဲ့၊တပတ်တောင် (1)ပုဒ် မရေးနိုင်တော့တဲ့ ကျမရဲ့ အခြေအနေလေးတွေကို ကျမချစ်သော Blogလောကမှ မိတ်ဆွေ၊မောင်နှမများကို စာတတန်၊ပေတတန် နဲ့ ရှင်းပြနေတာပါရှင်။အတတ်နိုင်ဆုံးတော့ Postရေးဖို့ စဉ်းစားနေသေးပေမယ့် အချိန်ဆိုတဲ့ လူဆိုးကြီးက ကျမကို သနားငဲ့ညာမယ့်ပုံ မပေါ်လေတော့ သူတော်ကောင်းလေးများဖြစ်ကြသော Blog လောကမှ မိတ်ဆွေ၊မောင်နှမများကပဲ အရင်ကလို Postတွေ အများကြီး မရေးနိုင်တော့တဲ့ ကျမကို နားလည်ခွင့်လွှတ်ပေးကြရန်၊ ကျမBlogလေးကိုလည်း မမေ့သွားကြရန် မေတ္တာရပ်ခံလိုက်ပါတယ်။

ဟင့် ဟင့်၊နေ့တိုင်း Blog တွေသွားလည်ချင်ပေမယ့် သွားမလည်နိုင်တော့ဘူး။ :c
Post လည်း မရေးနိုင်တော့ဘူး။ဟင့် ဟင့်။ :c
Blog လောကကို သံယောဇဉ် ရှိပါတယ်ဆိုမှ ။ဟင့် ဟင့်။ :c