Thursday, July 31, 2008

長野県(NAGANO KEN)သို့ အလည်တခေါက်(4)

ထမင်းစားပြီးနောက် ၊ကားက 霧ケ峰高原(KIYIGAMINEကုန်းပြေမြင့်)ဆီသို့ ဦးတည်ပြီး ထွက်ခွါလာခဲ့တာပေါ့။မျက်နှာချင်းဆိုင်မှာတော့ ကားတန်းကြီး။
ဒီလမ်းလေးအတိုင်းပေါ့ ။

霧ケ峰高原(KIYIGAMINEကုန်းပြေမြင့်)ဆီမရောက်ခင် လမ်းမှာခဏနားပါတယ်။(ကျန်းမာရေးအတွက်လေ။ :) )မူလတန်းကလေးတွေ တူညီဝတ်စုံလေးတွေနဲ့ လေ့လာရေးခရီးထွက်လာတာတောင် တွေ့လိုက်ပါသေးတယ်။​


ဒါကတော့၊ရုပ်ရှင်ရုံလို့ မထင်လိုက်ပါနဲ့။ :) အမျိုးသမီးအိမ်သာပါတဲ့ရှင်။သိပ် တန်းမစီနေဘူးနော်။

အခု ဘယ်အိမ်သာ လွတ်နေပါတယ်ဆိုတာကို ပြထားတာပါ။အားလုံးပေါင်း အိမ်သာ(60)လုံးလောက်ရှိပေမယ့် မီးနီလေးတွေပြနေတဲ့ အမှတ်အသားက အိမ်သာထဲမှာလူရှိပါတယ်တဲ့။
ဒါကတော့ လမ်းခရီးမှာ တွေ့ရတဲ့ 白樺木(SHIRAKABAKI)ပါ။ပင်စည်က ထူးဆန်းစွာနဲ့ အဖြူရောင် ဖြစ်နေပါတယ်။(ထုံးသုတ်ထားတာ မဟုတ်ပါ။)​
ဒါကတော့白樺湖လို့ခေါ်ပါတယ်။白樺木ပင်ကို အစွဲပြုပြီး SHIRAKABAကန်လို့ခေါ်ကြတာပါ။ကားပေါ်ကနေ လှန်းရိုက်ထားတာ ဖြစ်လို့ သေသေချာချာတော့ မမြင်ရပေမယ့် တော်တော်လေး လှတယ်လို့ ထင်ပါတယ်။​

ပန်းသီးပင်လေးပါတဲ့။မမှည့်သေးလို့ အစိမ်းရောင်ဖြစ်နေတာပါ။မှည့်သွားရင်တော့ ပန်းသီးနီနီလေးပေါ့။ အပြန်လမ်းက ကားတွေကို တောင်ပတ်လမ်းတလျှောက် ကျမတို့ အသွားလမ်းကနေ မြင်လိုက်ရပါတယ်။အများကြီးမှ အများကြီး၊တန်းစီပြီး သွားနေကြတာ တောင်ပတ်လမ်းမှာလေ။

霧ケ峰高原(KIYIGAMINEကုန်းပြေမြင့်)ကို ရောက်ပါပြီရှင်။ကားရပ်လိုက်တာက လက်ဆောင်ပစ္စည်းရောင်းတဲ့နေရာပါ။

ဒီ(ニッコウキスゲ)NIKKOUKISUGE ပန်းလေးတွေကို ကြည့်ဖို့ (5)နာရီလောက် ကားစီးခဲ့ရတာပေါ့။အဲ့ဒီ 霧ケ峰高原(KIYIGAMINEကုန်းပြေမြင့်)ပေါ်မှာ လမ်းလျှောက်ရင်းနဲ့ (ニッコウキスゲ)NIKKOUKISUGEပန်းအလှကို ခံစားနေတဲ့ လူတွေလည်း အများကြီးတွေ့ခဲ့ပါတယ်။


霧ケ峰高原(KIYIGAMINEကုန်းပြေမြင့်)ပေါ်မှာ အိမ်လေးတောင် တွေ့ခဲ့သေး။
車山高原(KURUMAYAMA ကုန်းပြေမြင့်)မှာရှိတဲ့ လက်ဆောင်ပစ္စည်းရောင်းတဲ့နေရာပါ။မိနစ်(20)ပဲ ပေးလို့ ဘာမှတောင် သိပ်မရိုက်ခဲ့ရပါ။

ホタテ申州煮(SCALLOP ပြုတ်ပါ။)
ကွတ်ကီးလေးတွေ စားချင်လိုက်တာ။
ဒီနေရာက CHEESE CAKE က နာမည်ကြီးပါတဲ့။
အရသာစုံCHEESE လေးတွေ
CHEESE CAKE လုပ်ရာတွင် အသုံးပြုသော ကိရိယာများ
(1)ယောက်ထဲ နဲ့ CHEESE CAKE အများကြီးကို တပြိုင်တည်း လုပ်နေလေရဲ့။

လည်စရာတွေ ကုန်သွားပြီဆိုတော့ အိမ်ပြန်ချိန်ကိုရောက်ပြီပေ့ါ။
ကြည့်ကြပါအုန်း အရပ်ကတို့ရေ။အဝေးပြေးလမ်းပေါ်မှာ ဒီလိုမျိုး ကားတွေ ပိတ်နေပါတယ်ရှင်။သူတို့
(ခရီးသွားကုမ္မဏီ)ပြောတုန်းက (9)နာရီလောက် SHINJUKU(新宿)ကို ပြန်ရောက်လိမ့်မယ်လို့ ခန့်မှန်းထားတာ အခုတော့ လိုဏ်ခေါင်းထဲမှာတင် ကားတွေတန်းစီနေလို့ (တကယ်တော့ မရွေ့ကိုမရွေ့တော့တာပါ။)(2)နာရီလောက် သွားရမယ့်ခရီးကို (4:30)လောက် သွားလိုက်ရပါတော့တယ်။
SHINJUKU(新宿)ကိုရောက်တော့ (11:40)ရှိနေပြီ။အဲ့ဒီကနေ ကျမအိမ်ကို ရထားစီးပြီးပြန်လာတာ ည(1:15)နာရီမှပဲ အိမ်ရောက်ပါတော့တယ်။

အပြည့်အစုံသို့....

Wednesday, July 30, 2008

ကျေးဇူးတင်လွှာ

Blog(2)လပြည့် မွေးနေ့လေးအတွက် ကဗျာစပ်ပေးခဲ့သော ကိုရှင်ရဲထွတ်၊
Blogလေးရဲ့ (2)လပြည့် မွေးနေ့ဆုတောင်းလုပ်ပေးခဲ့သော ကိုဝင်းဇော်၊
Blogလေးရဲ့ (2)လပြည့် မွေးနေ့ကို ကြေငြာပေးခဲ့သော ကိုစွမ်း၊
Comment လာရေးပေးကြသော ညီမလေးဝေလေး
ကိုအောင်ကြည်မင်း
ကိုမိုးပြေး
ကိုပါဂနာ
မ မြရွက်ဝေ
ချစ်သူ့ခေါ်သံ
အရုပ်ကလေး
မဒီဇင်ဘာနှင်း
ကိုဝေ
ကိုအောင်ဦး
ကိုအောင်မျိုးဟန်၊
ချစ်မမဝါ၊
Synchro 305
ကိုစိုးထက်
ကိုစေတနာ

တို့ကို အထူးကျေးဇူးတင်ရှိပါတယ်ရှင်။
Cbox မှာ လာဆုတောင်းပေးကြသောသူများ၊၊ကိုဧဏီ
ကိုFresh up
ကိုကေမောင်ငြိမ်း၊
ကိုဝဿန်ဦး
၊ ကိုVBT
ကိုလည်း ကျေးဇူးတင်ပါတယ်ရှင်။(မနေ့က Cbox ကဘာဖြစ်မှန်းမသိပဲ Messagesတွေအားလုံး ပျက်ကုန်လို့ ဆုတောင်းပေးပြီး ကျေးဇူးတင်လွှာထဲမှာ နာမည်မပါခဲ့လျှင်လည်း ခွင့်လွှတ်ကြပါနော်။)
မအားလပ်လို့ မလာဖြစ်သောသူများကိုလည်း အားလပ်သောအခါ လာလည်ကြပါလို့၊
သိပါရက်နဲ့ မသိချင်ယောင်ဆောင်နေကြသောသူများကိုလည်း ဆက်လက်မသိချင်ယောင်ဆောင်သွားကြပါလို့ ပြောကြားချင်ပါတယ်ရှင်။
ဘာပဲဖြစ်ဖြစ် ဒီလို Blogလေး(2)လထိ အောင်အောင်မြင်မြင်နဲ့ ဖြစ်တည်လာခဲ့တာ Blogလောကမှ အစ်ကို၊မမ၊မောင်၊ညီမလေးများ ကျေးဇူးကြောင့်ပါ။
ထပ်ပြောပါရစေရှင်။အထူးကျေးဇူးတင်ရှိပါတယ်လို့။နောက်လည်း ထပ်ပြီး အားပေးကူညီကြပါအုန်းလို့ မေတ္တာရပ်ခံအပ်ပါတယ်ရှင်။

အပြည့်အစုံသို့....

Tuesday, July 29, 2008

Blog လေးရဲ့(2)လပြည့်မွေးနေ့

တကယ်တမ်းတော့ ကျမသည်
Thesis ရေးရမည်။
မရေးချင်လို့ လျှောက်ကာပြေး
Blog လုပ်ခဲ့သည်။
Blogလုပ်တော့ အရမ်းပျော်
မိတ်ဆွေ တိုးခဲ့သည်။
ယခုအခါ Blogသည်
(2)လပြည့်ပါပြီ။
မိတ်ဆွေများ၏ အားပေးမှု
အထူး ကျေးဇူးတင်ပါသည်။

 မိတ်ဆွေ၊သူငယ်ချင်း၊မောင်နှမများအတွက် ဒီတခါတော့ ဂျပန်ရဲ့ နာမည်ကြီးဘီယာများ​နဲ့ ဧည့်ခံလိုက်ပါတယ်နော်။အားမနာတမ်း သုံးဆောင်ကြပါ။


ဒါကတော့ ဟင်းလျာလေးတွေပါ။ (အမြည်းလေးတွေပေါ့။)

ဘီယာမသောက်တတ်သော သူများ(ကျမ အပါအဝင်)အတွက် သဘာဝလိမ္မော်ဖျော်ရည်လေး

အပြည့်အစုံသို့....

Monday, July 28, 2008

長野県(NAGANO KEN)သို့ အလည်တခေါက်(3)

ထမင်းက ဒုတိယထပ်မှာ စားရတာပါ။ပထမထပ်ကတော့ လက်ဆောင်ပစ္စည်းတွေ ရောင်းတဲ့နေရာပေါ့။
ဝယ်တာက နည်းနည်း ဓာတ်ပုံတွေ အများကြီးရိုက်ခဲ့တယ်သိလား။
ဒါက၊峠の釜めし(TOUKE NO KAMAMESHIဆိုင်နာမည်)ရဲ့ ဘယ်နှစ်ခုနှစ်မှာ ဘယ်လောက်နဲ့ရောင်းခဲ့တယ်ဆိုတာကို ပြထားတာပါ။

おぎの屋(OGINOYA)အရုပ်လေး။


မြင်းအသားလွှာ(馬刺し)ပါ။ဂျပန်တွေ အရမ်းကြိုက်ကြတာပေါ့။ရိုးရိုးငါးအသားလွှာ刺身ထက် မြင်းအသားလွှာ馬刺しက ပိုဈေးကြီးပါတယ်။စားရဲရင်တော့ စားကြည့်ကြနော်။ :D

わさび(WASABI)ကို POTATOCHIPS လုပ်ထားတာပါ။MAYONNAISE-WASABI အရသာလေးပေါ့။

ဂျပန်လက်ဖတ်ခြောက်ပွဲမှာ အသုံးပြုတဲ့ MACHA(抹茶)လက်ဖတ်ခြောက်အကြမ်းပါ။ကျမက မဝယ်ပဲ ဓာတ်ပုံသွားရိုက်နေတုန်း အဲ့ဒီကောင်တာမှာရှိတဲ့ အရောင်းစာရေးမ(2)ယောက်က ကျမကို ကြည့်ပြီး တိုးတိုးတိုးတိုးနဲ့ လုပ်နေတယ်သိလား။ကျမက သူတို့ကို ကြည့်လိုက်တော့ စကားစလာပြောပါတော့တယ်။ဘာလို့ အဲ့ဒါတွေကို ဓာတ်ပုံရိုက်တာလည်းတဲ့။အစက ကျမကို သူတို့က ဂျပန်မလေးလို့ ထင်နေကြတာတဲ့။အဲ့ဒီ လက်ဖတ်ခြောက်အကြမ်းကို ဓာတ်ပုံရိုက်တော့မှ နိုင်ငံခြားသားခရီးသွားဧည့်သည် ထင်သွားပြီး လာစပ်စုတာလေ။(ထူးဆန်းလို့ )ဘယ်သူမှ အဲ့ဒီလက်ဖတ်ခြောက်အကြမ်းကို ဓာတ်ပုံမရိုက်ကြဘူးတဲ့။ကျမကတော့ မမြင်ဘူးရင် အကုန်ရိုက်တာဆိုတော့ ။


ဂျပန်မပုံ အရုပ်လေးကတော့ လက်ဖတ်ခြောက်မှုန့်ထည့်တဲ့ ဘူးလေးပါ။


 အဲ့ဒီ ဒေသက စပျစ်သီးအရမ်းထွက်တဲ့ ဒေသလေ။ဒါလေးတွေကတော့ သိကြမယ်ထင်ပါတယ်။ စပျစ်ဝိုင်လေးတွေပါ။အချို၊အခါးရှိပါတယ်တဲ့။သောက်ချင်ရင် အားမနာတမ်း ယူသွားကြပါနော်။

ဒါကတော့ ဓာတ်ပုံတွေအများကြီး ရိုက်ခဲ့လို့ ဆိုင်ရှင်ကို အားနာပြီး ဝယ်လာတဲ့ တခုတည်းသောမုန့်လေးပါ။

ဆိုင်က ထွက်မှပဲ ဆိုင်အမှတ်အသားဆိုင်းဘုတ်ကြီးကို ကြည့်မိတော့တယ်။

အပြည့်အစုံသို့....

Saturday, July 26, 2008

涙そうそう(အတားအဆီးမဲ့ မျက်ရည်များ)

涙そうそう(NADASOUSOU)ဆိုတာ အတားအဆီးမဲ့ မျက်ရည်များကျလာခြင်းကို ပြောတာပါ။
OKINAWA(沖縄)ဒေသသုံးစကားလေးပါ။涙そうそう(NADASOUSOU)သီချင်းက အရမ်းကို နာမည်ကြီးပါတယ်။ကျမက အဲ့ဒီသီချင်းလေးကို (2005)နှစ် ကျမတို့ကျောင်းရဲ့ကျောင်းသားပွဲတော်မှာတရုပ်ကျောင်းသူ (1)ယောက်ဆိုမှ စနားထောင်ဖူးခဲ့တာပေါ့။
သူမက ဂျပန်ကီမိုနိုဝတ်ပြီးတော့ အဲ့ဒီသီချင်းဆိုတာ အရမ်းကောင်းတာပဲ။
ကျမက သူ့မကို ဂျပန်မလို့တောင် ထင်ခဲ့မိလောက်အောင် သူမက ဂျပန်သီချင်း ဆိုကောင်းခဲ့ပါတယ်။​​
အဲ့ဒီ သီချင်းရဲ့ မူရင်းအဆိုတော်တွေကBEJIN၊RYOKO MORIYAMA(森山 良子) ၊RIMI NATSUKAWA (夏川 りみ)ပါ။ RIMI NATSUKAWA (夏川 りみ)ဆိုမှ နာမည်ကြီးသွားခဲ့ပြီး 2002,The Japan Record Awards မှာ ရွှေတံဆိပ်ဆုရခဲ့ပြီး၊2004年度のJASRAC賞မှာ ငွေတံဆိပ်ဆုရခဲ့ပါတယ်။ 2004 Oricon Top 100 Singles မှာတော့ ပထမဆုကို ရခဲ့တာပေါ့။အရမ်းကို နာမည်ကြီးလွန်းလို့ 2006 မှာတော့ TOKYO BROADCASTING SYSTEM, INCORPORATEDရဲ့ နှစ်ငါးဆယ်ပြည့် အထိမ်းအမှတ်ရုပ်ရှင်မှာ အဲ့ဒီ သီချင်းလေးကို သုံးခဲ့တာပေါ့။အဲ့ဒီ ရုပ်ရှင်ရဲ့ နာမည်ကလည်း 涙そうそうပါပဲ။အဲ့ဒီကားဟာ (2006,Oct) (東宝
映画館)TOHO ရုပ်ရှင်ရုံမှာ သွားကြည့်ခဲ့ပြီး ကျမရဲ့ ပထမဆုံး ဂျပန်မှာကြည့်ဘူးတဲ့ ရုပ်ရှင်ကားလေးပါ။
အဲ့ဒီသီချင်းကို ကြိုက်လွန်းလို့ အဲ့ဒီဇာတ်ကားကိုလည်း မရရအောင် သွားကြည့်ခဲ့ပါတယ်။
မင်းသားက 妻夫 木聡(SATOSHI TSUMABUKI)တဲ့။မင်းသမီးလေးကတော့ 長澤 まさみ(MASAMI NAGAZAWA)ပါ။ဒီကားထဲမှာတော့ SHINTAROO(新太郎) နဲ့ KAORU(カオル)ပါ။
မင်းသားနဲ့ မင်းသမီးက နောက်အိမ်ထောင်ကိုယ်ဆီက ပါလာတဲ့ ကလေးလေးတွေလေ။
SHINTAROO(新太郎) အမေနဲ့ KAORU(カオル)ရဲ့ အဖေနဲ့ လက်ထပ်ခဲ့ကြပေမယ့် KAORU(カオル)ရဲ့ အဖေက SHINTAROO(新太郎)အမေကို စွန့်ပစ်ပြီး အိမ်က ထွက်သွားခဲ့ပြီး၊SHINTAROO(新太郎)အမေ လည်း အဲ့ဒီစိတ်နဲ့ပဲ ဆုံးသွားခဲ့ပါတယ်။မင်းသားSHINTAROO(新太郎)နဲ့ မင်းသမီးKAORU(カオル)ဟာ ငယ်ငယ်တုံးကတော့ မင်းသားရဲ့ အဘွားနဲ့ နေကြရတာပေါ့။ကြီးလာတော့ SHINTAROO(新太郎)က ကျောင်းကောင်းကောင်းမတတ်တော့ပဲ အလုပ်ပဲ လုပ်ပြီး KAORU(カオル)ကို ကျောင်းထားပေးခဲ့ပါတယ်။
အဘွားနဲ့KAORU(カオル)ကို တခြားတမြို့မှာအတူနေစေခဲ့ပြီး သူကတော့သူ့တို့ငယ်ငယ်လေးကနေခဲ့တဲ့အိမ်လေးမှာပဲ​နေပြီး အလုပ်လုပ်ခဲ့တာပါ။
KAORU(カオル)က အထက်တန်းကျောင်းပြီးတော့SHINTAROO(新太郎) စီ ခဏပြန်လာပြီး ကျောင်းဆက်မတတ်တော့ဘူးလို့ ပြောပေမယ့် SHINTAROO(新太郎)ကတော့ မရရအောင် ကျောင်းဆက်တက်စေခဲ့ပါတယ်။KAORU(カオル)က SHINTAROO(新太郎)ပင်ပင်ပန်းပန်း အလုပ်လုပ်နေရတာ ကို မကြည့်ရက်လို့ပါ။(SHINTAROO(新太郎)ကို ချစ်နေခဲ့ပြီလေ။)SHINTAROO(新太郎)ကတော့ ကို တကယ့် ညီမလေး(1) ယောက်လို့ သဘောထားခဲ့တာပါ။
SHINTAROO(新太郎)မှာ ချစ်သူရှိပေမယ့် အတွက်နဲ့ ချစ်သူနဲ့ လမ်းခွဲခဲ့တာပေါ့။
အဲ့ဒီလောက်ထိ KAORU(カオル)ကို အရမ်းကောင်းခဲ့ တာပေါ့။OKINAWA(沖縄)ဟာ မုန်တိုင်း အရမ်းတိုက်တဲ့ နေရာတစ်ခုပါ။တနေ့မှာတော့ KAORU(カオル)နေတဲ့ မြို့မှာ မုန်တိုင်းအကြီးအကျယ်တိုက်လို့ KAORU(カオル)ကလေး ကြောက်နေခဲ့တဲ့ အချိန်မှာ
မိုးကြီးလေကြီး၊ညကြီးမိုးချုပ်မှာ SHINTAROO(新太郎)ဟာ အပြေးအလွား လာရောက်ခဲ့ပါတယ်။
KAORU(カオル)ကို မုန်တိုင်းရန်က ကယ်တင်နိုင်ခဲ့ပေမယ့် SHINTAROO(新太郎)ကတော့ အပြင်းဖျားပြီး သေသွားခဲ့ပါတယ်။သေတဲ့ အထိကို သူ့ညီမလေးKAORU(カオル)ကို SHINTAROO(新太郎)ချစ်ခဲ့ပါတယ်။
သူသေတဲ့နေ့ဟာ သူ့ညီမလေးရဲ့ အသက်နှစ်ဆယ်ပြည့်တဲ့နေ့ လား???
ဂျပန်ရဲ့ အသက်နှစ်ဆယ်ပြည့်ကျင်းပတဲ့နေ့(成人式)လားပဲ။(ကြည့်ခဲ့တာ ကြာပြီဆိုတော့ သေချာတော့မမှတ်မိတော့ပါ။)
KAORU(カオル)ဟာ 成人式(SEIJIN SHIKI)အထိမ်းအမှတ်ကီမိုနိုလေးကို ဝတ်ပြီး SHINTAROO(新太郎)ရဲ့ အရိုးပြာအိုးကို ပင်လယ်ထဲမှာသွားမြောတဲ့ အချိန်မှာ ထွက်ပေါ်လာတဲ့ သီချင်းလေးက NADASOUSOU(涙そうそう)တဲ့။
အရမ်းကို သနားဖို့ ကောင်းတဲ့ သူတို့ အဖြစ်လေးနဲ့ တထပ်တည်းကြတဲ့ သီချင်းလေးပေါ့။
ကျမ ဖြင့် သူတို့ အဖြစ်လေးကို သနားလွန်းလို့ ငိုလိုက်ရတာ။ရုပ်ရှင်လည်းပြီးရော၊ ချက်ချင်း အပြင်မထွက်ရဲလောက်အောင်​。。。。。。。。。。。。。。。。
KAORU(カオル)က SHINTAROO(新太郎)ကို 兄ぃ兄ぃ(NIINI)(အစ်ကို)လို့ ငိုပြီးခေါ်တဲ့ အသံလေးကို အခုထိ ကြားယောင်နေမိတုန်းပဲ သိလား။
涙そうそう,အတားအဆီး
မဲ့ မျက်ရည်များ

                                                                      

အပြည့်အစုံသို့....

Friday, July 25, 2008

長野県(NAGANO KEN)သို့ အလည်တခေါက်(2)

အဲဒါနဲ့ ကျဉ်းကျဉ်းကျပ်ကျပ် ကားထိုင်ခုံမှာ တင်းတင်းကျပ်ကျပ် ကားခါးပတ်ကြီး ပတ်ပြီး ခရီးထွက်ခဲ့ရတာပေါ့။
ကျမက ပြတင်းပေါက်ဘေးက ထိုင်ခုံမှာ ထိုင်တာဆိုတော့ ရှုခင်းတော့ ကောင်းကောင်းငေးလို့ ရတယ်သိလား။ဪ၊မေ့နေလို့။ကျမက တယောက်တည်း ခရီးသွားတာ မဟုတ်ဘူးရှင့်။အဖော်နဲ့​.........................(အသိမမကြီးကိုပြောတာပါ။) :P ကားက တဖြေးဖြေးနဲ့ အဝေးပြေးလမ်းမကြီး(高速道路)ကို ရောက်လာတော့ ကားသွားနှုန်းက အရမ်းမြန်လာတယ်။(စကားမစပ်:အဝေးပြေးလမ်းမက မြို့တွေရဲ့ အပေါ်မှာ တံတားဆောက်ပြီး လုပ်ထားတာ များပါတယ်။တံတားအောက်မှာ မြို့က ရှိနေတဲ့ သဘောပေါ့။)
ဒီတော့ အဝေးပြေးလမ်းမပေါ်က မြင်ရတဲ့ ရှုခင်းက အပေါ်စီးက ဖြစ်နေပြီးတော့ အရမ်းလှတာပဲ။
ဟိုငေးဒီငေးနဲ့ စီးလာလိုက်တာ၊(2)နာရီလောက် ရှိလာပြီ၊သွားချင်တဲ့ နေရာက မရောက်သေး။
ဒီကြားထဲ အဝေးပြေးလမ်းမက ယာဉ်ကြောပိတ်ဆို့မှုဖြစ်ပြီးတော့ (2)နာရီသွားရမယ့်အချိန်က
(3)နာရီလောက်ဖြစ်သွားတာနဲ့ ထမင်းစားချိန်ရောက်သွားပါတော့တယ်။

ဒါနဲ့ ဘဲ ဘယ်မှမသွားနိုင်ပဲနဲ့ ဒီနေရာ(おぎの屋)(Oginoya)မှာ

ထမင်းစားရတော့တာပေါ့။

 ထမင်းက 鶏そぼろ煮ご飯(釜めし類)လို့ခေါ်ပါတယ်။ထမင်းရော ကြက်သားကို နှုတ်နှုတ်စင်းထားတာကို ရောပြီး ပေါင်းထားတဲ့ထမင်းပါ။
ခေါက်ဆွဲလိုမျိုး မြင်ရတာကတော့ 信州(Shin syuu)ဒေသရဲ့ そば(Soba)လို့ခေါ်တဲ့ ခေါက်ဆွဲအမျိုးအစား(1)မျိုးပါ။
အလည်က အကန့်လေး(2)ခုကတော့ တို့စရာ သဘောမျိုးပါ။漬物(Tsuke mono)လို့ ခေါ်ပါတယ်။
ပန်းရောင်ပန်းကန်လေးထဲက ငါးကိုအကြော်မှုန့်နဲ့ ကြော်ထားတာပါ။
အဲ့ဒီဘေးက ပန်းကန်ထဲက အဖြူရောင်လေးကトロロ(Tororo လို့ခေါ်ပါတယ်။ဘေးကဟာလေးက ခရမ်းသီးပြုတ်(ナス)ပါ။​
ရေနွေးချမ်းလေး(お茶)လည်း ပါသေးတယ်။

ကျမက ဂျပန်စာမကြိုက်တော့ အဲ့ဒီဟင်းတွေကြည့်ပြီး ငိုတောင် ငိုချင်သွားတယ်။
တခြား စားစရာကလည်းမရှိတော့ မစားချင်ပေမယ့်လည်း စားရတာပေါ့နော်။စစချင်း ထမင်းကိုစားကြည့်တော့ ထမင်းက ပေါ့ရွှတ်ရွှတ်ကြီး၊ဘာအရသာမှ မရှိ။(အဲ့ဒါတောင်မှ၊နာမည်ကြီးလွန်းလို့ တကူးတက လာစားတဲ့လူတွေ အများကြီး)တခြားဟာတွေကလည်း မစားနိုင်ဆိုတော့ နောက်ဆုံးမှာ 信州そば(Shin syuu Soba)လေးကို ရေနွေးနဲ့ မြောချလိုက်ရတာပေါ့။ငါးကြော်လေးပါလို့ တော်ပါသေးရဲ့။​​ :P
                                                  

အပြည့်အစုံသို့....

Thursday, July 24, 2008

長野県(NAGANO KEN)သို့ အလည်တခေါက်

(20.7.2008)က စိတ်ပြေလက်ပြောက် ခရီးထွက်ခဲ့ပါတယ်။
クラブツールズム (ခရီးသွား ကုမ္မဏီ)က စီစဉ်တဲ့ နေ့ချင်းပြန်ခရီးလေးလေ။

ကားခရော၊စားစရိတ်ပါ အားလုံးပေါင်း (6980)ယန်းပဲ ပေးရတယ်သိလား။
ဂျပန်မှာက စနေ၊တနင်္ဂနွေဆိုရင် နေ့ချင်းပြန်ခရီးသွားကြတာများပါတယ်။
(20.7.2008)က တနင်္ဂနွေဖြစ်တဲ့အပြင် တနင်္လာနေ့ကလည်း ပင်လယ်နေ့(海の日)ဆိုတော့ ခရီးသွားကြတဲ့ လူတွေအများကြီး တွေ့ရပါတယ်။
ဒီနေရာမှာ ကားသွားစီးရတာပေါ့။ပူလွန်းလို့ လူတိုင်း ယပ်တောင်ကိုယ်စီနဲ့။


(8)နာရီမှာ ကားစထွက်ပါတယ်။ကားပေါ်မှာ 旅友(TABITOMO)ဆိုတဲ့ ရင်ထိုးလေးတွေ ဝေတယ်သိလား။အဲ့ဒီ ရင်ထိုးလေးက ဒီနေ့ ခရီးရဲ့ ခရီးသည်ဖြစ်ကြောင်း အမှတ်အသားပေါ့။ကားစထွက်တာနဲ့ ကားဒရိုင်ဘာက (မင်္ဂလာပါ၊သူကတော့ ဘယ်သူပါ)ဆိုပြီး နှုတ်ဆက်စကားပြောပါတယ်။ပြီးတာနဲ့၊အဲ့ဒီ ကားပေါ်မှာပါလာတဲ့ GUIDE က သူကိုသူ မိတ်ဆက်ပါတယ်။ဘယ်သူဘယ်ဝါပါပေါ့။ဒီနေ့ တနေ့တာ သူလမ်းညွှန်ပြပေးပါမယ်ပေါ့။ မိတ်ဆက်ပြီးတာနဲ့ အဝေးပြေးလမ်းသွားရာမှာ လိုက်နာရမယ့် စည်းကမ်းကို ပြောလာပါတယ်။ ခရီးသည်တွေက ကားခါးပတ်တွေကို ပတ်ထားရပါမယ်တဲ့။(1.6.2008)က ထုတ်လိုက်တဲ့ အဝေးပြေးလမ်းစည်းကမ်းတဲ့၊လိုက်နာကြပါတဲ့။)ဒရိုင်ဘာလည်း မဟုတ်ပဲနဲ့ ကားထဲမှာ ခါးပတ်ကြီးပတ်ထားရမယ်တဲ့။စိတ်ညစ်စရာ ကောင်းပုံများ။


အပြည့်အစုံသို့....

Wednesday, July 23, 2008

ကျမနဲ့ စာမေးပွဲ

ဒီနေ့ စာမေးပွဲ သွားဖြေတာ ဘာတွေမေးမှန်းလည်း မသိဘူး သိလား။
ကျမတို့ကျောင်းမှာက စာမေးပွဲဆိုရင် ( ဘာလေးညာလေးတွေအရေးကြီးတယ်နော်။
ပိုကြည့်ပေါ့တို့ဘာတို့)ဘယ်တော့မှ ပြောလေ့ပြောထမရှိဘူးလေ။(စကားချပ်:တကယ်တော့ ဂျပန်စာမေးပွဲတွေက ဘယ်အတိုင်းအတာထိပဲ မေးမယ်(試験範囲)ဆိုပြီး သတ်မှတ်ထားတာ များပါတယ်။အဲလိုမှ မလုပ်ရင် ဘယ်သူမှ အောင်မယ်မထင်ပါ။နိုင်ငံခြား ဘာသာစကား ဖြစ်နေလို့ပါ။)
ကျမတို့ကျောင်းကတော့ ဆရာသင်တာ အကုန်ကြည့်ပဲ။အဲ့ဒါကြောင့် ကျမကတော့ စာမေးပွဲဆိုရင် အရမ်းကြောက်ပ။
ဘာမေးလို့မေးမှန်းမသိတာကို အကုန်ကြည့်ဆိုတော့ စဉ်းသာစဉ်းစားကြည့်ကြပေါ့နော်။: P
ဒါနဲ့ (ကျမလည်း မေးချင်တာမေး မီးစင်ကြည့်ကမယ်) ဆိုပြီး မနေ့က အားကြိုးမာန်တတ် နဲ့ စာကြည့်ရတာပေါ့။
ကျက်စရာတော့ မလိုလို့တော်ပါသေးရဲ့။(ဆရာ Classမှာဝေတဲ့ စာရွက်စာတမ်းရယ်၊Noteရယ်တော့ ယူခွင့်ပေးပါတယ်။)
ဒီနေ့ စာမေးပွဲခန်းထဲလည်းဝင်ရော်၊ကျောင်းသားကဒ်ရယ်၊Classမှာဝေတဲ့ စာရွက်စာတမ်းရယ်၊Noteရယ်ကလွဲပြီး အကုန်သိမ်းလို့ ဆရာက ပြောပါတယ်။
အချိန်က(1) နာရီတဲ့။မေးခွန်းက ခေါင်းစဉ်ကြီး (15)ခုမှာ (1)ခုကို (2) ပုဒ်ပါတာလည်းရှိတယ်၊
(3) ပုဒ်ပါတာလည်း ရှိတော့ အားလုံးပေါင်းမေးခွန်း (15)ပုဒ် ဖြစ်သွားပါလေရော။အချိန်က(1) နာရီ။
ကျမမှာ အသည်းအသန် ရေးလိုက်ရတာ လက်ကို ညောင်းရော။ရေးတာရေးရတယ် မပြီးနိုင်ဘူးလို့တော့သိသား။: P
 ထင်တဲ့ အတိုင်းပါပဲ (1)နာရီ ထိုးလည်းထိုးရော် (3)ပုဒ်တောင် ကျန်ပါသေးရဲ့(ငိုတောင် ငိုချင်သွားတယ်။)
ဆရာ က(1)နာရီ ထိုးပြီး ပြီးပြီးမပြီးပြီး ခဲဆံဘောပင်၊ခဲတံတွေချတဲ့။မချပဲ ဆက်ရေးရင် အမှတ်လျှော့မယ်တဲ့။
ဆရာအနားရောက်လို့မှ ဆက်ရေးနေမယ်ဆိုရင်တော့ အဲ့ဒီအဖြေလွှာကို မယူတော့ဘူးတဲ့။(စည်းကမ်းကြီးပုံများ)
ဒါနဲ့ကျမလည်း မပြီးသေးတာကို ဆက်မရေးရဲပဲ အဖြေလွှာအပ်ပြီး ပြန်လာခဲ့ ရတာပေါ့နော်။
ကျမကို စာမေးပွဲဖြေနိုင်ပါစေလို့ လာဆုတောင်းပေးတဲ့Blogger မှ မိတ်ဆွေများကို အားတောင်နာပါရဲ့။
ကျေးဇူးလည်း တင်ပါရဲ့။မိတ်ဆွေများရဲ့ ဆုတောင်းပေးမှုကြောင့်သာ ဒီလောက် ဖြေနိုင်ခဲ့တာပါ။
မေးခွန်းက တော်တော့ကို ခက်တာရှင့်။
ဘာပဲဖြစ်ဖြစ် တတ်သလောက်မှတ်သလောက်တော့ ဖြေခဲ့တာဆိုတော့ အောင်မှာပါလို့ အတင်း မျက်စိမှိတ်ပြီး ယုံကြည်နေပါတယ်။ :)

အပြည့်အစုံသို့....

Monday, July 21, 2008

အကြောင်းကြားခြင်း

စာမေးပွဲရှိလို့ (1)ရက်တိတိ အသည်းအသန် စာကျက်ရမှာမလို့ ဒီနေ့Post ရေးချင်ပေမယ့် မရေးနိုင်ပါ။
(ရုပ်ရှင်ရုံမဟုတ်ပါ :P )ရဲ့အဆက်ကို နောက်နေ့မှ ရေးပေးပါ့မယ်နော်။
July 20က長野県(NAGANO KEN) လည်းသွားထားသေးတော့ အဲ့ဒီခရီး အကြောင်းလေးလည်း မကြာမီလာမည်မျှော်....................................

အပြည့်အစုံသို့....

Saturday, July 19, 2008

လုပ်ကြံခံရခြင်း

ကျမရဲ့ BLOGကိုလာသူတိုင်း အရမ်းကို နားညီးစရာ သံစဉ်လေးတွေနဲ့သီချင်းလေးတွေကို ကြားပြီး
ပိတ်ဖို့ လိုက်ရှာကြတဲ့လူတွေလည်း မနည်းဘူးလို့ ထင်ပါတယ်။ :D
ကျမကအဲ့ဒီ အရုပ်သီချင်းပလေယာလေး ကို ကြိုက်လွန်းလို့အောက်ဆုံးမှာသီးသန့်ထားထားလို့ ချက်ချင်း​ရှာလို့မတွေ့နိုင်တာပါ။
ကျမ ဘယ်လောက်တောင် အဲ့ဒီ အရုပ်သီချင်းပလေယာလေးကိုလုပ်ခဲ့ရတယ်ဆိုတာ သိကြပါသလား???
အဲ့လိုမျိုး ကိုယ်ပိုင်သီချင်းပလေယာလေးလုပ်ချင်ပေမယ့် မလုပ်တတ်လို့ အကိုကြီးတယောက်ကို အကူအညီတောင်းပြီး အရုပ်သီချင်းပလေယာလေးကို http://www.myflashfetish.com မှာလုပ်ခဲ့ရပါတယ်။
အရုပ်သီချင်းပလေယာလေးရလာတော့ အဲ့ဒီအရုပ်သီချင်းပလေယာလေးမှာထည့်ဖို့အတွက် သီချင်းလေးတွေကို ရှာရပါတော့တယ်။
ကျမရဲ့ INTERNET က INTERNET DOWNLOAD MANAGER(IDM) သုံးလို့မရပါဘူး။Free Music Zilla လည်း သုံးလို့မရပါဘူး။အဲဒါတွေကို ဖွင့်လိုက်တာနဲ့ PCက ချက်ချင်းရပ်သွားပါတော့တယ်။
FREE SOFTWAREကို သုံးခွင့်မပေးတဲ့သဘောပါ။(ကံဆိုးပုံများ)
အဲ့ဒီတော့ သီချင်းတွေကို ဘယ်လိုရှာလည်းလို့ မေးစရာဖြစ်လာပါတယ်။
အဲ့ဒီသီချင်းတွေကို ကျမကwww.flashband.com ထဲမှာ နားထောင်ပါတယ်။ကြိုက်တဲ့ သီချင်းလေးတွေတွေ့ရင် သူငယ်ချင်းကို ပြောပြီး အဲ့ဒီ သူငယ်ချင်းက အဲ့ဒီသီချင်းလေးတွေကိုMP3 ပြောင်းပေးပါတယ်။
အဲ့ဒီ ရတဲ့MP3 ကိုhttp://www.hotlinkfiles.comမှာသွားပြီး လုပ်ရပါတယ်။
အဲ့ဒီ မှာရတဲ့ link codeကို မှာသွားပြီး http://www.myflashfetish.comလုပ်မှ ဒီအရုပ်သီချင်းပလေယာလေး ရလာတာပါ။
ဂျပန်သီချင်းဆို YOU TUBE ကနေ ယူရလို့ ပိုတောင်အချိန်ကုန်ပါသေးတယ်။
သီချင်းရပြီဆိုတော့ သီချင်းပလေယာလေးရဲ့ဒီဇိုင်းကို ရွေးတဲ့အခါမှာ အရုပ်သီချင်းပလေယာလေးကို တွေ့ခဲ့ပြီး ကျမBLOG နဲ့လိုက်မယ့် အရောင်လိုက်ရှာတာ မရှိပါဘူးရှင်။
အဲ့ဒါနဲ့ ကျမရဲ့BLOG FONT COLOUR မှာအရောင်ကိုသွားကြည့် အဲ့ဒီအရောင်အတိုင်းလေး COLOUR လေးတွေကို ပြောင်းပြီးလုပ်ရတာပါ။အဲ့လိုမျိုး မလုပ်တတ်လုပ်တတ်နဲ့ ရလာတဲ့ ကျမရဲ့ အရုပ်သီချင်းပလေယာလေးကိုမှ အလွယ်တကူယူချင်တဲ့လူက ရှိနေပါတယ်။
ကျမနဲ့ ခင်တဲ့ အစ်ကိုကြီးပါပဲ။သူက ဟိုနေ့ကအရုပ်သီချင်းပလေယာလေး အတိုင်းကို သူ့BLOG မှာတင်မယ်ပြောလို့ ကျမက ဒီလိုဒီလိုလုပ်ထားရတာပါ။အဲ့ဒီ အရုပ်ကလေးကိုမှ ကြိုက်တယ်ဆိုရင် http://www.myflashfetish.comမှာရှိပါတယ်၊သွားယူပါ။
ဒါပေမယ့် ဒီအရောင်လေးကတော့ ကျမကိုယ်တိုင် ပြင်ဆင်ထားတာဖြစ်လို့ ဒီအတိုင်းကြီးတော့ ပုံတူမကူးပါနဲ့လို့ ပြောခဲ့ပါတယ်။
အဲ့ဒါနဲ့ သူကမယူတော့ဘူးလို့ ပြောလို့ ကျမလည်း ယုံကြည်ခဲ့ပါတယ်။
ဒီနေ့တော့ သူ့BLOGကို သွားလည်မိတဲ့အခါမှာ ကိုယ့်နားတောင်ကိုယ်မယုံဖြစ်သွားရပါတယ်။
အဲ့ဒီ အကိုကြီးရဲ့ သီချင်းပလေယာမှာထည့်ထားတဲ့ မြန်မာသီချင်းတွေဟာ ကျမရဲ့ BLOGမှာရှိတဲ့ သီချင်းတွေနဲ့ တပုံစံထဲမှ တပုံစံထဲပါပဲရှင်။
သူနဲ့ ကျမနဲ့လည်း ခင်နေတော့ သူအဲဒီလောက်ကြီး လုပ်ရက်လိမ့်မယ်လို့ ကျမ မထင်ခဲ့မိဘူးသိလား။
ကျမရဲ့ BLOGမှာ(နားဆင်ဖို့)ဆိုတဲ့ BLOGလေးရှိတာသတိထားမိကြလားတော့ မသိဘူး။အဲ့ဒီBLOGလေးက
ကျမဆီမှာ ရှိတဲ့ သီချင်းလေးတွေကို မျှဝေမယ်လို့ ဆုံးဖြတ်ပြီး လုပ်ထားတဲ့BLOGလေးပါ။
အခု အရုပ်သီချင်းပလေယာလေးထဲမှာပါတဲ့ သီချင်းလေးတွေကော အခြား ကောင်းနိုးရာရာ သီချင်းလေးတွေကိုပါ MediaFireနဲ့ တင်ပေးဖို့ ရည်ရွယ်ထားပါတယ်။
ဟိုနေ့​က အဲ့ဒါနဲ့ ပတ်သတ်ပြီးတော့လည်း ရှင်းပြခဲ့ပါတယ်။ခဏလေးစောင့်ပါ၊စောင့်ပါလို့လည်း ပြောခဲ့ပါသေးတယ်။ဒါတောင်မှ သူ မလို့ မပြောမဆိုနဲ့ လုပ်ရက်လိုက်တာ..............။(သိသိချည်းနဲ့)
ကျမဆို တခြားBLOGမှာကိုယ်ကြိုက်တဲ့ သီချင်းလေးတွေတွေ့ရင်
အဲ့ဒီ BLOGGERကို "ဒီသီချင်းလေးတော့ ကြိုက်ပါတယ်။ပေးလို့ ရနိုင်မလား"ဆိုပြီး သွားတောင်းယူခဲ့ပါတယ်။
သူကြတော့ ကျမနဲ့ခင်ရဲ့သားနဲ့ တခွန်းတလေလေးတောင်မပြောပဲ ဘာလို့ အဲ့လောက် လုပ်ရက်ရတာလည်း မသိဘူးနော်?????????????????။
နောက်ကြောကို ဒါးနဲ့ အထိုးခံရသလို ခံစားရပါတယ်။ယုံကြည်မှုကို အလွဲသုံးစား လုပ်ခံရပါတယ်။
တနည်းအား
ဖြင့် ကျမ လုပ်ကြံခံခဲ့ရပါတယ်။​​​

အပြည့်အစုံသို့....

Friday, July 18, 2008

ရင်ခုန်တိုင်းသာ အချစ်ဆိုခဲ့လျှင်

သူ့အသံလေး ကြားလည်း ရင်ခုန်သည်။        
彼の声 聞こえるだけで 胸がドキドキ

သူ့မျက်နှာလေး မြင်လည်း ရင်ခုန်သည်။        
彼の顔 見るだけで 胸がドキドキ

သူနဲ့တွေ့သည်ဆိုယုံလေးတွေ့ရင်လည်း ရင်ခုန်သည်။
彼に会うだけで 胸がドキドキ

သူ့အကြောင်းလေး တွေးမိရင်တောင်မှ ရင်ခုန်သည်။ 
彼のこと 思うだけでも 胸がドキドキ

ရင်ခုန်တိုင်းသာ အချစ်ဆိုခဲ့လျှင်            
もし、ドキドキするだけで 愛だと言えるなら

သေချာပြီ၊ကျမ သူကိုချစ်မိပြီ။       
やっぱ、あたし 彼のことが 好きに なっちゃたわ。。。。。

မှတ်ချက်: သူ= သက်ရှိမဟုတ်ပါ။ :)




အပြည့်အစုံသို့....

Thursday, July 17, 2008

TASPO ကွ၊TASPO ကွ

အရွယ်မရောက်သေးသောသူများအား(未成年者) ဆေးလိပ်(စီးကရက်)သောက်ခြင်းမှ ကာကွယ်ရန် (2008)နှစ်ကနေစပြီး ဆိုတဲ့ ရောင်းသူမဲ့အလိုအလျောက်စက်(自動販売機)မှာ အရွယ်ရောက်သူများသာ ဆေးလိပ် (စီးကရက်)ဝယ်ယူနိုင်အောင်လို့ TASPO (タスポ)ကဒ်လေးပေါ်လာပါပြီ။အဲ့ဒီ TASPOကဒ်လေးက အသက် (၂၀)ပြည့်မှ လုပ်လို့ရတာပါ။(ဂျပန်မှာ အသက်(၂၀)ပြည့်မှ အရွယ်ရောက်တာမို့လို့ပါ။)TASPO ကဒ်ကိုလုပ်ဖို့ အတွက် ဝန်ဆောင်ခပေးစရာမလိုပါဘူးတဲ့။နှစ်စဉ်ကြေးလေး မလိုပါဘူးတဲ့။အလကား ကဒ်လုပ်လို့ရတယ်ဆိုတဲ့ သဘောပေါ့နော်။ကဒ်ရဲ့ သက်တမ်းကတော့ (10)နှစ်ပါတဲ့။လျှောက်လွှာစာရွက်တွေက ဆေးလိပ်(စီးကရက်)ရောင်းတဲ့ ဘယ်နေရာမှာမဆို ရရှိနိုင်ပါတယ်တဲ့။ ရောင်းသူမဲ့အလိုအလျောက်စက်(自動販売機)မှာ ဝယ်ချင်ရင်တော့ စစချင်း ပိုက်ဆံကို ထည့်ရပါမယ်။ပြီးတော့ ကိုယ်လိုချင်တဲ့ ဆေးလိပ်အမျိုးအစားကို ရွေးချယ်ပြီး နောက်ဆုံးမှာ ကဒ်လေးကို ထိရပါမယ်။ဒါမှသာ၊ဆေးလိပ်(စီးကရက်)ဘူးလေး ထွက်လာပါလိမ့်မယ်။
အခုဆို နေရာတော်တော်များများမှာ TASPO ကဒ်အသုံးပြုရတဲ့ စက်တွေချည်းဖြစ်ကုန်ပါပြီ။

အစကတော့TASPOကဒ်လေးသွားလုပ်ပြီးပြမလားလို့။
"တော်ကြာMEGUMIဆေးလိပ်(စီးကရက်)သောက်နေပါတယ်"ဆိုတဲ့ မဟုတ်ကဟုတ်က သတင်းကြီးနဲ့ နာမည်ကြီးသွားမှာစိုးလို့ ဒီဓာတ်ပုံလေးနဲ့ပဲ ကျေနပ်ကြပါနော်။ :)
 ဪ၊မေ့လို့မေ့လို့။TASPOကဒ်လေးက PREPAID(プリベイド型) အမျိုးအစားDIGITAL CASH(電子マネー)လေးလည်း ပါသေးတယ်သိလား။

အပြည့်အစုံသို့....

လက်ဆောင် (၈)

ညီမလေး ဝေလေးအတွက်
နှင်းတောကိုစောင့်တဲ့ ဥယျာဉ်မှူးလေး လက်ဆောင်ပေးလိုက်တယ်နော်။:P :P


အပြည့်အစုံသို့....

လက်ဆောင် (၇)

16 Jul 08, 17:11
saund: ကြွားပြီးရင် ဒီစက်ဘီးလေးကို လက်ဆောင် ပေးတော့နော် မနက်ဖြန် မွေးနေ့ လုပ်လိုက်မယ် လေ


မမရယ်၊စက်ဘီးလေး ဘာလုပ်မှာလဲ။
အဲဒီစက်ဘီးလေးက မမရဲ့ခြေသလုံး လှလှလေးအလှကို ထိခိုက်စေလိမ့်မယ်...။(ခင်လေးငယ်ရဲ့လေသံကိုအတုခိုးပြီး :P)

ရော့၊ဒီလက်ဆောင်လေး

ယူပါနော်။မမရဲ့ ချစ်သူနဲ့ အမြဲတမ်း အဆက်အသွယ်လုပ်လို့ရအောင်................ နော်လို့။:P :D

အပြည့်အစုံသို့....

Wednesday, July 16, 2008

ရှာကြံ ကြွားခြင်း(၃)

ဒီစက်ဘီးလေးအကြောင်းကို မသိတော့လည်း ဒီလိုပဲ ပြောကြမှာပေါ့လေ။(ဆရာမကြီးလေသံနဲ့:P)​

ဒီလိုရှင့်။ကျမက ဒီစက်ဘီးလေးကို စီးချင်လွန်းလို့များ ဝယ်ထားတယ်လို့ မထင်ပါနဲ့ရှင့်။
အစက ဆိုင်ကယ်လေးများ ဝယ်မလားဆိုပြီး အမေကိုတိုင်ပင်ကြည့်တော့ အမေက တချက်ပဲပြန်ပြောတယ်(NO)တဲ့ရှင့်။(ကျမရဲ့ တတ်ကျွမ်းမှုကို သိလို့ရှင့်။ :) )
အဲဒါနဲ့ ကားလေးဘာလေးများဝယ်မလား စဉ်းစားပြန်တော့လည်း (ကားမမောင်းတတ်ပါရှင့်။ :) )
အဲဒါနဲ့ပဲ နောက်ဆုံးတော့ လူတကာကပြောနေကြတဲ့ ဒီကလေးစီးစက်ဘီးလေးကိုဘဲ ဝယ်လိုက်ရတော့တာ‌ပေါ့ရှင့်။
စက်ဘီးလေးက သေးသေးလေးဆိုပေမယ့် အထင်တော့မသေးနဲ့ရှင့်။
သူက (折り畳みORITATAMI)လို့ခေါ်တဲ့ အလည်ကနေ တဝက်ခေါက်လို့ရတဲ့စက်ဘီးလေးရှင့်။
ပြီးတော့ ဂီယာ(၆)မျိုးပြောင်းလို့ ရသေးတယ်ရှင့်။(တောင်ပေါ်တတ်ရင်တောင် ပူစရာမလိုပါဘူး။)(ကြားထဲကကြေငြာဝင်တာပါရှင့် :) )
ပေါ့ကလည်း ပေါ့သေးတယ်ရှင့်။
(24")ပဲ ရှိတယ်ရှင့်။
ဒီကလေးစက်ဘီးလေးက ကောင်မလေးတွေတင်မကဘူးရှင့်။ကောင်လေးတွေလည်းစီးတယ်ရှင့်။
(အဓိကကတော့ လူငယ်လေးတွေစီးတာများတယ်ရှင့်။)
အဘိုးကြီး၊အဘွားကြီးများကတော့ စက်ဘီးအကြီးစားကြီးစီးကြတာပေါ့ရှင့်။ :)
ကျမတို့ကျောင်းကတောင်ကုန်းပေါ်မှာရှိတော့ ကားနဲ့ပဲသွားသွား၊စက်ဘီးနဲ့ပဲသွားသွား အချိန်ချင်းအတူတူပါပဲရှင့်။
ကျောင်းဆင်းချိန်ကြရင် ကားကအရမ်းကျပ်ပြီး တန်းစီနေတဲ့လူတွေက များလွန်းတာကို စိတ်ညစ်လို့ ဒီကလေးစီးစက်ဘီးလေးကို ဝယ်လိုက်ရတာပါရှင့်။

အပြည့်အစုံသို့....

Tuesday, July 15, 2008

ကျမနှင့် ဂျပန်ရဲ(၃)

ဒီနှစ် Feb တုံးကပေါ့။ဂျပန်ရဲ့ ဆောင်းရာသီလေ။(ဂျပန်များ၊အေးတော့လည်း အရမ်းကို အေးတာပဲသိလား။ညဆိုရင် ပိုအေးသေး။)
ကျမက အဂါင်္နေ့ဆို ကျောင်းကညနေ(6:30)လောက်မှပြီးတာလေ။(6:30)ဆိုပေမယ့် ဆောင်းတွင်းဆိုတော့ မှောင်မည်းနေတာပဲ။ချမ်းကလည်း ချမ်းနဲ့ တော်တော့ကို ဒုက္ခရောက်တာပေါ့။ဘာလို့လည်းဆိုတော့ ကျမက ကျောင်းကို စက်ဘီးနဲ့ သွားတာကိုး။ ကျောင်းပြန်ရင် တော်တော့ကို စိတ်ညစ်ဖို့ကောင်းသလားမမေးနဲ့။အမှောင်ထဲမှာ စမ်းတဝါးဝါးနဲ့ပေါ့(ကားလမ်းကမီးကလင်းပေမယ့် စက်ဘီးသွားရတဲ့လမ်းက လူသွားလမ်းစကြံင်္ဆိုတော့ အလင်းကြီးမဟုတ်ပါ။)
တနေ့တော့ ကျောင်းကအပြန်၊ဦးခေါင်းနားတဝိုက်ကအရမ်းချမ်းတာနဲ့ ဦးထုပ်ကို (၂)လုံးဆင့်ပြီး ဆောင်းလိုက်ပါလေရော။(ကုတ် အင်္ကျီမှာပါတဲ့ ဦးထုပ်အပြင် သိုးမွှေးဦးထုပ်လေးကိုပါ ဆောင်းလိုက်တာပေါ့။နွေးမှနွေး:D)အဲ၊ဆောင်းလို့မှ သိပ်မကြာသေးဘူး၊အနောက်ကနေ တဒုန်းဒုန်း တဒိုင်းဒိုင်းနဲ့ ဆူညံတဲ့ အသံတွေကြားလိုက်ရပါတယ်။(သေနတ်သံလို့မထင်ပါနဲ့။:P)
ထုံးစံအတိုင်း ကိုရွှေရဲများပေါ့။(သူတို့ရဲ့ စက်ဘီးတွေက အနောက်ကကယ်ရီယာမှာ ဘာတွေထည့်ထားမှန်း မသိတဲ့ သေတ္တာကြီး ပါတော့ အဲ့ဒီသေတ္တာကြီးကနေ အသံမျိုးစုံ ထွက်နေတာပါ။)ကျမကလည်း အူကြောင်ကြောင် ဦးထုပ်၂လုံးဆောင်းပြီးအလာ၊သူတို့ကလည်း ပတ္တာရောင်စစ်အထွက် ထိပ်တိုက်ကြီး သွားတွေ့ပါလေရဲ့။(ကံကောင်းပုံများ ပြောပါတယ်။:P)သူတို့က အစကတော့ ကျမနဲ့ဆန့်ကျင်ဘက်လမ်းကိုသွားမယ့်ပုံပါဘဲ။ကျမကိုလည်း မြင်ရော လမ်းကြောင်းပြောင်းပြီး ကျမဆီကို ဦးတည်လာပါတော့တယ်။
ကျမကလည်း သိလိုက်ပြီ။မေးတော.၊့မြန်းတော့၊ရစ်တော့မယ်ဆိုတာကို။:P
အဲ့ဒါနဲ့ ဒီအတိုင်း အရစ်ခံရမယ့်အတူတူ သူတို့ကိုနည်းနည်း ပညာပေးချင်တာနဲ့ စက်ဘီးကို အတင်းမောင်းပြေးတော့တာပေါ့။သူတို့(နှစ်ယောက်)ကလည်း ပြေးလည်းပြေးရော အသားကုန် လိုက်တာပေါ့။ကျမက ပြေး၊သူတို့က လိုက်နဲ့၊စိမ်ပြေးတမ်း ကစားနေသလိုပဲ။ငါးမိနစ်လောက်နေတော့မှ သူတို့က ကျမကို ကျော်တက်သွားပြီး ကျမသွားလို့မရအောင် ပိတ်ရပ်ထားတာပေါ့။
အဲ့ဒါနဲ့ ကျမလည်း သွားလို့မရမယ့် အတူတူ၊ အစစ်ဆေးခံရမယ့် အတူတူ မထူးဘူးဆိုပြီး​ သူတို့မမေးခင် ကျမက အရင်မေးလိုက်ပါတယ်။ဘာဖြစ်လို့ ပိတ်ရပ်ရတာလည်းလို့။:Pသူတို့ကလည်း ကျမမေးတာကြတော့ မဖြေပဲနဲ့ ကျမကို နင်ကဘယ်ကပြန်လာတာလဲတဲ့။နင်ရဲ့ IDကဒ်ပြပါတဲ့။ကျမကလည်း အမြင်ကပ်ကပ်နဲ့ ဓာတ်ပုံမပါတဲ့ ကျန်းမာရေးကဒ်ကြီး ပြလိုက်တယ်။(အဲဒါလည်း ID ကဒ်ပဲလေ။:P)သူတို့က ကြည့်ပြီးတော့ "ဟာ၊ဓာတ်ပုံမှမပါတာ၊နင် ဟုတ်မဟုတ်ဘယ်လိုလို့ သိမှာလဲတဲ့။ဓာတ်ပုံပါတဲ့ IDကဒ်ပြတဲ့။"အဲ့ဒါနဲ့ ကျမကလည်း ကျောင်းသားကဒ်ကော နိုင်ငံခြားသားကဒ်မှာကော ဓာတ်ပုံပါတယ်၊ရှင်၊ဘယ်ID ကဒ်ကို ကြည့်မှာလဲလို့ မေးလိုက်တာပေါ့။သူတို့က နိုင်ငံခြားသားကဒ်ပြတဲ့။ကျမလည်း အိုကေဆိုပြီး ပြလိုက်တော့၊
နိုင်ငံခြားသားကဒ်ရဲ့မျက်နှာစာကော၊ကျောဘက်ကောကို သေသေချာချာ စစ်ပြီးသွားတော့မှ ပြုံးဖြီးဖြီးနဲ့ သွားလို့ရပါပြီတဲ့။အရမ်းအေးလို့ လမ်းမှာ ဂရုစိုက်ပါတဲ့။(အစတုံးကသူတို့စစ်နေတုံးကတော့ တခိုက်ခိုက်တုံနေတဲ့ ကျမကို မသိချင်ယောင်ဆောင်နေပြီးတော့ အခုမှ အလာဘသလာဘ လာပြောနေသေးတယ်။တတ်လည်းတတ်နိုင်တဲ့ ကိုရွှေရဲ။:P)

စကားမစပ်:
12 Jul 08, 20:37
VBT: လက်ဆောင်တောင်းလိုက်အုံးမယ်။ မီဂူးမိ အဲဒီမှာ ဟိုသွားဒီသွား သုံးတဲ့ စီးတော်ယဉ်လေးကို တွေ့ဖူးချင်ပါတယ်။
ကျမရဲ့စီးတော်ယာဉ်ကိုမှ တွေ့ဖူးချင်ပါတယ်ဆိုတဲ့ ကို VBT ရေ၊အခု တွေ့ပြီနော်။





အပြည့်အစုံသို့....

 

Design By:
SkinCorner