အမုန်းများနဲ့ ကျမ

ကိုယ့်ကိုကိုယ် မုန်းတဲ့ အချက်(10)ချက်......တဲ့။ ကိုကေမောင်ငြိမ်းနဲ့ ကိုပုလုကွေးက TAGလာတယ်။

အမှန်ကိုပြောရရင်တော့ ကျမက TAG POST တွေကို ရေးချင်ဘူး။ :p ဒါပေမယ့်၊ သူများက ခင်လို့ TAG လာတာကို မရေးပဲ နေရမှာလည်း အရမ်းအားနာတယ်သိလား။ ;) ဟိ ဟိ၊ ဒါနဲ့ပဲ ဘယ်သူ လာTAG ၊ TAG ရေးပေးမိတယ်။ ကိုဗီလိန်ရဲ့ TAGကိုတော့ မရေးတတ်လို့ ရေးတော့ဘူးနော်........လို့ တောင်းပန်ပြီးပြီ။ :y TAG POST ရေးတာ ဒီတစ်ခါ နောက်ဆုံးပဲလို့ ဆုံးဖြတ်ထားတယ်။ ကြီးကျယ်တာမဟုတ်ပါဘူး။ :yဘဝင်မြင့်တာလည်း မဟုတ်ပါဘူး။ :y အချိန်မရှိလို့ပါ။ ဒီဇင်ဘာလကော ဇန်နဝါရီလကော အရမ်းအလုပ်ရှုပ်လို့ပါ။ စောင့်ခိုင်းရမှာလည်း အားနာလို့ TAG POST ဆိုရင် မရေးတော့ဘူး.....လို့ ဆုံးဖြတ်လိုက်တာ နားလည်ခွင့်လွှတ်ပေးမယ်လို့ မျှော်လင့်ပါတယ်။ :y စိတ်ဆိုးကြပါနဲ့နော်။ :z ကျန်တဲ့လူတွေကိုလည်း TAG တော့ဘူးနော်။ စိတ်အေးချမ်းစွာနေလို့ရအောင်လို့...... :z

ဟိ ဟိ၊ Intro ဝင်တာ နည်းနည်းများသွားတယ်။ :p ပြောတော့မယ်နော်။ :zကိုယ့်ကိုကိုယ် မုန်းတဲ့ အချက်(10)ချက်။ ;)

ကျမကို ကျမ အမုန်းဆုံးက စာမေးပွဲဖြေခါနီးအချိန်ပါ။ ;)
{ကျမက စာကျက်ရမှာ အရမ်းပျင်းတယ်သိလား။ ;)}

စာမေးပွဲ ဘယ်လောက်နီးနီး စာကျက်ရန် စိတ်မဝင်စားတဲ့ ကျမကို ကျမ မုန်းတယ်ရှင့်။

စာကျက်နေရင် စာထဲကို တစ်နာရီထက် ပိုစိတ်မဝင်စားတဲ့ ကျမကို ကျမ မုန်းတယ်ရှင့်။

စာကျက်နေတုန်း ဘေးနားမှာ လူတစ်ယောက်ရှိမှ စာကျက်တတ်တဲ့ ကျမကို ကျမ မုန်းတယ်ရှင့်။

စာလုပ်နေရင်း စာနဲ့ မသက်ဆိုင်တဲ့ အကြောင်းတွေကို ထွေရာလေးပါး လေပေါတတ်တဲ့ ကျမကို ကျမ မုန်းတယ်ရှင့်။

စာအော်ကျက်ပေးမယ့် စာတော်တဲ့လူတစ်ယောက် အနားမှာ ရှိနေစေချင်တဲ့ ကျမကို ကျမ မုန်းတယ်ရှင့်။

အူကြောင်ကြောင် မှတ်ဉာဏ်ကို ယုံကြည်ကိုးစားလွန်းတဲ့ ကျမကို ကျမ မုန်းတယ်ရှင့်။

စာကျက်ရမှာ သေမတတ်ပျင်းပေမယ့် စာမေးပွဲကျမှာတော့ ရင်တုန်အောင် ကြောက်တတ်တဲ့ ကျမကို ကျမမုန်းတယ်ရှင့်။

အမှတ်စာရင်း ထွက်လာလို့ အမှတ်နည်းတဲ့အခါ စာကြိုမကျက်မိတဲ့အတွက် နောင်တရတတ်တဲ့ ကျမကို ကျမမုန်းတယ်ရှင့်။

ကံကောင်းထောက်မစွာ အမှတ်ကောင်းသွားတဲ့အခါ ကိုယ့်ရဲ့ တစ်ပွဲတိုးမှတ်ဉာဏ်ကို ကိုယ့်ဘာသာ ချီးကြူးတတ်တဲ့ ကျမကို ကျမ မုန်းတယ်ရှင့်။

"စာကျက်သင့်တယ်"......လို့ မသိစိတ်ကလက်ခံပေမယ့် သိစိတ်က လက်မခံတော့ သိစိတ်နဲ့ မသိစိတ်က ရန်ဖြစ်ကြပါရော။ အဲဒီ သိစိတ်နဲ့ မသိစိတ်ရဲ့ ရန်ပွဲကို အေးအေးဆေးဆေးလက်ပိုက်ကြည့်နေနိုင်တဲ့ ကျမကို ကျမ မုန်းတယ်ရှင့်။

ဟိ ဟိ၊ (10)ချက်ပြည့်သွားပြီ။ :p ပျော်စရာကြီး။ :z ကိုကေမောင်ငြိမ်းနဲ့ ကိုပုလုကွေးရှင့်။ ရေးပြီးပြီနော်။ :z ကျေနပ်တော့နော်။ :z
စကားမစပ်၊ ဒီပို့စ်က Blog လေး ခြောက်လပြည့်အမှတ်တရ ပို့စ်ပါ။ ;)
သီးစစ်ထပ်ရဖို့ ရက်အနည်းငယ်သာ လိုတော့လို့ အခုချိန်ကစပြီး ပို့စ်ရေးကျဲပါတော့မည်ဖြစ်ကြောင်း အသိပေးကြေငြာအပ်ပါသည်။

ဒူ......ဝေ.....ဝေ.......။ :z

အပြည့်အစုံသို့....

ပြန်သိမ်းပေးပါနော်....

သူမ နှင့် သူ

လွန်ခဲ့သော နှစ်နှစ်ခန့်က သူမသည် မမျှော်လင့်သော အချိန်တစ်ခု၌ မထင်မှတ်ဘဲ လူတစ်ယောက်နှင့် တွေ့ဆုံခဲ့ဖူးသည်။ သူမအပေါ် သူမတူအောင် ကောင်းလွန်းသော လူတစ်ယောက်ရှိလာလိမ့်မည်ဟု စိတ်ကူးနဲ့ပင် မတွေးခဲ့ဖူးသော အချိန်ကာလတစ်ခုတွင် ထိုသို့သောလူတစ်ယောက်ကို ပိုင်ဆိုင်ခဲ့ရသည်။ နှစ်နှစ်တာ ကာလအတွင်း သူ၏ အလိုက်သိတတ်မှု၊ ကြင်နာမှု၊ အားပေးမှု၊ လိုက်လျောမှု၊ သစ္စာရှိမှုများကို လှိုက်လှိုက်လှဲလှဲ သုံးဆောင်ခဲ့ဖူးသည်။ သို့သော်၊ သူမသည် သူ့ကို ချစ်၍ မရခဲ့ပါ။ ထိုမျှ ကောင်းလွန်းသူ တစ်ယောက်ကို သူမသည် မည်သို့ပင် ကြိုးစား ချစ်ခဲ့ချစ်ခဲ့ ၊ ချစ်၍မရခဲ့ပါ။

ထို့အတွက် သူမအရမ်း ဝမ်းနည်းသည်။ သူ့ကို အားနာသည်။ သနားသည်။ အင်မတန်မှ သံယောဇဉ်ရှိလှသော်လည်း သံယောဇဉ်သည် အချစ်မဟုတ်ခဲ့ပါ။ သူ့ကို မချစ်ပါဘူး...........လို့ ပြောဖို့ အင်အားကို သူမ တော်တော်ကြာ မွေးမြူခဲ့ရဖူးသည်။ တော်ရုံနှင့် ပြောမထွက်ခဲ့ဖူးပါ။

ထိုပြောမထွက်ခဲ့ခြင်းကြောင့် ထင်မှတ်မထားသော အခြားပြဿနာများလည်း ဝင်ရောက်ခဲ့ဖူးသည်။ သူမကို ပျော့နွဲ့သူ၊ မပြတ်သားသူ........လို့ပဲ ပြောချင်ပြောကြပါစေ၊ သူ့ကို ယတိပြတ်မငြင်းရက်ခဲ့တာ အမှန်ပါ။ သူမ အပေါ် သူမတူအောင် ကောင်းလွန်းသော လူတစ်ယောက်ကို ပြတ်ပြတ်သားသား ငြင်းပစ်ရက်လောက်သည့် အင်အားသူမတွင် ရှိမနေခဲ့ပါ။

သူမတွင် သူ့အတွက် အချစ်မရှိသော်လည်း မြောက်များစွာသော သံယောဇဉ်များရှိသည်။ သူသည် သူမအတွက် ရဲဘော် ရဲဘက်ကောင်းတစ်ယောက်ဖြစ်သည်။ သူရှိနေလျှင် မည်သည့်အရာကိုမှ မကြောက်ပါ။ "သူ ၊ သူမအနားမှာ ရှိနေသည်".........ဆိုသည့် အသိစိတ်တစ်ခုတည်းနှင့် အရာရာကို သူမရင်ဆိုင်ရဲသည်။ ထိုမျှလောက်ထိ သူ့ကို သူမ ယုံကြည်သည်။

လောကကြီးမှာ ဖြစ်ချင်တိုင်းသာ ဖြစ်ခွင့်ရကြေးဆိုလျှင် သူမ သူ့ကို ချစ်ချင်သည်။ အခုတော့ သူမသည် သူ့အပေါ်မတရားမှန်း သိသိချည်းနဲ့ သူ့ကို မချစ်ခဲ့ပါ။ သူမကို သူမလည်း နားမလည်တော့ပါ။ သေချာတာတစ်ခုကတော့ သူမသည် ကြောင်တောင်တောင် မိန်းကလေးတစ်ယောက်ဖြစ်မှန်းမသိဖြစ်နေခဲ့ပါပြီ။

ဟိ ဟိ၊ သူများတွေ ဝတ္ထုရေးတာတွေ့ပြီး အားကျလို့ ရေးကြည့်တာ၊ :z အရှည်ကြီးတော့ ရေးနိုင်သေးဘူး။ :p အခုလည်း ဝတ္ထုလား၊ဘာလားမသိတဲ့ စာစုလေး ရေးဖြစ်သွားပြီ။ ;) ကျမကတော့ ဝတ္ထုတိုလို့ သတ်မှတ်လိုက်တယ်။ ဟိ ဟိ။ ရတယ်ဟုတ်။ :z

အပြည့်အစုံသို့....

ပြန်သိမ်းပေးပါနော်....

Happy Birthday

　ပိုက်ဆံနဲ့ ပေးဝယ်လို့မရနိုင်ဘူး
ဒါကြောင့်မလို့
ခံစားချက်နဲ့ ဖော်ပြမယ့် အဖိုးတန်ရတနာ
မရှက်ပဲနဲ့ပေါ့
"ဂုဏ်ယူပါတယ်" ..........လို့
ပြောမယ်ကွာ
(12)နာရီ အတိမှာ

မွေးဖွားလာခဲ့တဲ့ ဖြစ်စဉ် Oh!
တွေ့ဆုံခဲ့တဲ့ ဖြစ်စဉ် Oh!
လက်ရှိ ကိုယ့်နံဘေးမှာ ရှိနေတဲ့ ဖြစ်စဉ်
အရာအားလုံးကို ကျေးဇူးကွာ

မင်းလေးရဲ့ ပျော်ရွှင်ဖွယ်မွေးနေ့
တစ်နှစ်မှာ တစ်ကြိမ်
မျက်လှည့်ဆန်တဲ့ သီးသန့်နေ့လေး

ဒီနေ့က တစ်နှစ်မှာ တစ်ကြိမ်
တစ်ကမ္ဘာလုံးမှာ အရေးကြီးဆုံး
ကိုယ်တန်ဖိုးထားရတဲ့ မင်းလေးရဲ့ အမှတ်တရနေ့
နောက်ထပ် တစ်နှစ်ကို လှပစွာ

အသက် တစ်နှစ်ကြီးခြင်းဟာ
အမှတ်တရတွေ တိုးပွားလာခြင်းဖြစ်လို့
ပျော်စရာ၊ ဝမ်းသာစရာ စကား
မင်းလေးတစ်ယောက်တည်းအတွက် ပေးမယ်ကွာ

ထောင်ပေါင်း၊ သန်းပေါင်းများစွာသော လူဦးရေတွေထဲမှာ
မင်းလေးနဲ့ တွေ့ဆုံ၊ ကြုံတွေ့ခဲ့ရတဲ့ တာဟာ
အံ့ဩစရာ....... ပဲကွာ

ဒီလောက် အနီးမှာ ရှိနေလို့ ပျော်လိုက်တာ
မင်းလေးအတွက် သီချင်းဆိုမယ်ကွာ

※မွေးဖွားလာခဲ့တဲ့ ဖြစ်စဉ် Oh!
တွေ့ဆုံခဲ့တဲ့ ဖြစ်စဉ် Oh!
လက်ရှိ ကိုယ့်နံဘေးမှာ ရှိနေတဲ့ ဖြစ်စဉ်
အရာအားလုံးကို ကျေးဇူးကွာ

မင်းလေးရဲ့ ပျော်ရွှင်ဖွယ်မွေးနေ့
တစ်နှစ်မှာ တစ်ကြိမ်
မျက်လှည့်ဆန်တဲ့ သီးသန့်နေ့လေး

မင်းရှိနေပေးလို့ ရယ်မောစွာနဲ့ နေနိုင်တာ
ဒီနေ့ကအရင်နေ့တွေထပ်ပိုပြီး အပြစ်ကင်းစွာ နေနိုင်ပြီ

တစ်ကမ္ဘာလုံးဆိုင်ရာ သာမန်နေ့
ဘယ်အရာမှ မပြောင်းလဲတဲ့ပုံပေါ်ပေမယ့်လည်း
ကိုယ့်အတွက်ကတော့ ..........
လေရဲ့ အရသာတောင်မှ
ထူးခြား သီးသန့်ဆန်တဲ့ အရသာကွ

ပိုမိုထူးခြား သီးသန့်ဆန်တဲ့ အပြုံးမျက်နှာကို
မြင်တွေ့ချင်တယ်
စိတ်ညစ်၊ စိတ်ရှုပ်မှုတွေက
ကိုယ့်အချစ် အတွက်တော့ Ｂye-bye ပါ
မင်းလေးတစ်ယောက်တည်းအတွက် ပေးမယ်ကွာ
ကိုယ့်မှာ ရှိတဲ့ အားအင်တွေကို

အခုချိန်ထိ ဘယ်လောက်တောင် ငိုခဲ့ရသလဲ???
အခုကစပြီး ရယ်မောနိုင်တဲ့ ပျော်ရွှင်မှုတွေရရှိစေခြင်းနဲ့အတူ
ဒီနေ့ရဲ့ ပျော်ရွှင်ဖွယ်မွေးနေ့
မင်းလေးအတွက် သီချင်းဆိုမယ်ကွာ

※ တစ်ယောက်တည်း ဒီမှာ မနေနိုင်မှာ ကျိန်းသေ
နောက်နှစ်ကော၊ နောက်တစ်နှစ်ကော
တူညီတဲ့နေ့မှာ မင်းလေးနဲ့ တွေ့ဖို့ လာမှာပါ။

ဘုရားသခင်ကပေးတဲ့ လက်ဆောင် မင်းလေးရဲ့ ပျော်ရွှင်ဖွယ်မွေးနေ့
"မင်းလေးရဲ့ အနာဂတ်မှာ ပျော်ရွှင်ပါစေကွာ"
※

မွေးနေ့တုန်းက ဧည့်ခံခဲ့တဲ့ သီချင်းပါ။ :z [ NEWS ] ရဲ့ HAPPY BIRTHDAY တဲ့။ ဂျပန်မှာ အခုလက်ရှိ တော်တော် ခေတ်စားနေတဲ့ သီချင်းပါ။ :p မွေးနေ့ရောက်ခါနီးနေ့တွေကတည်းက iPod ထဲထည့်ပြီး လမ်းသွားတာတောင် နားထောင်မိတဲ့ သီချင်းလေ။ ;) အရမ်းကြိုက်တယ်။ ကျမကို လာပြောနေသလိုပဲ။ ဟိ ဟိ။ (နောက်တာပါ။) :p

သူ့ကောင်မလေးအပေါ်ထားတဲ့ အဆိုတော်လေးတွေရဲ့ သဘောထားက ရိုးရှင်းပေမယ့် ခံစားရတယ်သိလား။
"ကောင်လေးတိုင်း သူတို့လိုမျိုး ကိုယ့်ကောင်မလေး မွေးနေ့မှာ ကောင်မလေး နဲ့အတူ ပျော်ရွှင်စွာ ကုန်လွန်နိုင်ပါစေ".......လို့ ဒီသီချင်းလေးနားထောင်ရင်း ဆုတောင်းပေးလိုက်ပါတယ်။

သီချင်း ဒေါင်းလုတ်လိုချင်ရင် ဒီမှာ ယူပါနော်။ :z

{ဆီလျော်အောင် ဘာသာပြန်ထားခြင်းဖြစ်ပါသ၍ သီချင်းစာသားနှင့် "၏ ၊ သည် မရွေး" မတူခဲ့ပါလျှင် ခွင့်လွှတ်ပါ။ ဟိ ဟိ။ :z}

အပြည့်အစုံသို့....

ပြန်သိမ်းပေးပါနော်....

ကျေးဇူးတင်လွှာ

မွေးနေ့တုန်းက Kamakura ဘုရားသွားပါတယ်။ Kamakura အနီးအနား တစ်ဝိုက်က Momiji တွေလည်း သွားကြည့်ခဲ့ပါတယ်။ နောက်နေ့ကြတော့ Tokao San ကို သွားပြီး Momiji (Maple leaves)တွေ ထပ်သွားကြည့်ခဲ့ပါတယ်။ အရမ်းလှတာပဲသိလား။ :p နောက်နေ့မှ တင်ပေးမယ်နော်။ :z ဟိ ဟိ။

" ကျေးဇူးတင်ကြောင်း " ပြောမလို့ကို အလည်လွန်နေတာနဲ့ ဒီနေ့မှပဲ ရေးဖြစ်တော့တယ်သိလား။ ဒါကြောင့် Post အစမှာ "ဘာကြောင့် ကျမ ပျောက်နေကြောင်း"......ကို ရှင်းပြတောင်းပန်အယူခံဝင်တာပါ။ ဟိ ဟိ။ :z

ကျမ မွေးနေ့မှာ Comment မှတစ်ဆင့်၊ cbox မှတစ်ဆင့်၊ Mail မှတစ်ဆင့်လာရောက်ဆုတောင်းပေးကြတဲ့ အစ်ကိုများ၊ မောင်လေးများ၊ မမများ၊ ညီမလေးများကို အထူးကျေးဇူးတင်ပါတယ်နော်။ ဒီလောက်ထိ ကျမကို ချစ်ခင်တဲ့ မောင်နှမတွေ(အစ်ကိုများ၊ မောင်လေးများ၊ မမများ၊ ညီမလေးများကို ဆိုလိုသည်။) ရှိလိမ့်မယ်လို့ မထင်မိဘူးသိလား။ :p အခုတော့ ပျော်လိုက်တာ အရမ်းပဲ။ ;) ကျမကို ဝိုင်းဝန်းချစ်ခင်ပေးကြတဲ့ အတွက် ပြောမပြတတ်အောင် ဝမ်းသာပါတယ်။ :z ကျေးဇူးလည်း တင်ပါတယ်။ :y ဟိ ဟိ၊ ပြောချင်တာတွေ များပြီး ဘာဆက်ပြောရမှန်း သိတော့ဘူး။ :p

အခု၊ ခံစားရတဲ့ ခံစားချက်ကတော့ အရမ်း ပျော်နေပါတယ်။ :z

စကားမစပ်၊ မွေးနေ့လက်ဆောင်လေးတွေ ကျန်သေးလို့ ဖော်ပြပေးလိုက်ပါတယ်။ :p

မမမေအိခင်ပေးတဲ့ ပန်းတွေပါ။ :z
မမက ကြိုက်တဲ့ပန်းကို တင်လို့ ပြောတာ အကုန်ကြိုက်လို့ အကုန်တင်လိုက်တယ်။ ဟိ ဟိ။

မက်မက် ပေးတဲ့ မွေးနေ့လက်ဆောင်ပါ။ :z

Truly A Friend

Someone to lean on when problems appear,
Someone on whom you'd depend,
Someone who'll lift you when you're down in the dumps,
That someone is truly a friend.

That's how I feel about you my dear friend;
You're so special just as you are.
Just to know that you're there provides comfort to spare;
A friendship like yours sets the bar.

*****HAPPY BIRTHDAY GU GU ******


မွေးနေ့မှာပျော်ရွှင်ပါစေ

ဝေလေး ပေးတဲ့ အရုပ်လေး။ ပါးစပ်လေးက လှုပ်နေတယ်။ ဟိ ဟိ။ ချစ်စရာလေး။ :z

မဗေဒါက ကျမတို့လျှောက်လည်တုန်းက ရိုက်ခဲ့တဲ့ပုံကို မဂ္ဂဇင်းမျက်နှာဖုံး ထုတ်လိုက်တယ်ဆိုပဲ။ မွေးနေ့လက်ဆောင် အဖြစ်ပေးတယ်သိလား။ လှမှလှ။ ဟိ ဟိ၊ Blog မှာ တင်မလားလို့ စဉ်းစားတာ စာဖတ်သူတွေ ညအိပ်မပျော်မှာစိုးလို့ တင်တော့ပါဘူးလေ။ :p :p :p

ကိုတေဇာနဲ့ Maimai ပေးတဲ့ မွေးနေ့လက်ဆောင်ပါ။ :z

Cbox မှတစ်ဆင့် ၊ Comment မှတစ်ဆင့် လာရောက်ပြီး မွေးနေ့ဆုတောင်းပေးတဲ့လူတွေ အများကြီးမလို့ တစ်ဦးချင်းစီ ကျေးဇူးတင်ကြောင်း မပြောတော့တာကို နားလည်ခွင့်လွှတ်ပေးမယ်လို့ မျှော်လင့်ပါတယ်ရှင်။ :y
(တစ်ယောက်တစ်လေများ ကျန်ခဲ့မှာ စိုးလို့ပါ။ )
မွေးနေ့ဖိတ်တုန်းကလည်း လောလောလောလောနဲ့ ဖိတ်လိုက်တာ ကျန်ခဲ့တဲ့လူတွေ အများကြီးပဲ။ အားနာလိုက်တာ။ အရမ်း။
ဒါကြောင့် အခု ၊ တစ်ယောက်ချင်းစီရဲ့ နာမည်တွေကို ထည့်မရေးတော့ဘူးနော်။

အပြည့်အစုံသို့....

ပြန်သိမ်းပေးပါနော်....

မနက်ဖြန်ဆို ကျမအတွက် "နှစ်ဆန်းတစ်ရက်နေ့"

လူတိုင်းမှာ "မွေးဖွားခြင်း" ဆိုတဲ့ ကိုယ်ပိုင်ပြက္ခဒိန်တစ်ခုစီရှိကြပါတယ်။
မနက်ဖြန်ဆို ကျမအတွက် "နှစ်ဆန်းတစ်ရက်နေ့" :p

ဟိ ဟိ ၊ ကဗျာဆန်ဆန် ပြောကြည့်တာ။
ဒီနေ့၊ မွေးနေ့ ရောက်ပါပြီရှင့်။ :z ရေးချင်တာတွေများလို့ ထူးထူးထွေထွေ ရေးတော့ဘူးနော်။ :p ဟိ ဟိ။ သုံးဆောင်ကြပါနော်။ ;) အားမနာတမ်းပေါ့။ :) ပါဆယ်ထုပ်သွားလည်း စိတ်ဆိုးဘူးသိလား။ :z

ပုဇွန်ကို ခရမ်းချဉ်သီးနဲ့ ချက်ထားတာပါ။ :z
ဒါက ကြက်သားအားလူးချက် :z
甘エビ（Ama ebi）လို့ ခေါ်တဲ့ ပုဇွန်လေးတွေကို ဂဏန်းတွေနဲ့ ရောချက်ထားတဲ့ ဟင်း :z
ငါးကြော် :zကြိုက်နှစ်သက်ရာ ဟင်းလျာနဲ့ သုံးဆောင်နိုင်တဲ့ ထမင်းဖြူ :zထမင်းဖြူ မကြိုက်သောသူများအတွက် ဒံပေါက် :z（杏仁 豆腐）အန်းနင်းတိုဖူး ｛အချိုပွဲပါ။｝　:z
Crackers :z
ဆနွင်းမကင်း :z
ကျောက်ကျော :zသဘာဝ လိမ္မော်အချိုရည် :z
အစ်ကို အောင်ဦးကြီးကလေ အရက်မတိုက်ရဘူးတဲ့ သိလား။ တိုက်ရင် အရက်တိုက်ခြင်းရဲ့ အပြစ်တွေကို Comment အရှည်ကြီးလာရေးမှာတဲ့။ အဲဒါ၊ သူ့ကို ကြောက်လို့ အရက်တိုက်တော့ဘူးနော်။ :p စိတ်မဆိုးကြေး။ ;)

ဧည့်သည်တော်တွေ မပျင်းရလေအောင် ဂျပန်အဆိုတော်လေးတွေလည်း ငှားထားလိုက်သေးတယ်။ :z

ဟိ ဟိ၊ စကားမစပ်၊လက်ဆောင်ရပြီသိလား။ :z
ကိုပုလုကွေးကလေ comment တော့ရေးပဲနဲ့ Mail ထဲမှာ လက်ဆောင်တွေလာပို့ထားတယ်သိလား။ ဟိ ဟိ။ :z :z
ကိုမိုးသောက်က ကျမဂျီကျထားတဲ့အတိုင်း ကျမကြိုက်တဲ့အရုပ်တွေနဲ့ ကဗျာရအောင် စပ်ပေးရှာတယ်။ ဟိ ဟိ။ :z :z :z
မယ်ဂုနဲ့ သူ့ကမ္ဘာ

bambu လေးက ချစ်စရာ
မယ်ဂု အတွက်ပါ ...
minnie ကလေး အလွန်လှ
စာကျိုးစားရာ ပထမ ..

မယ်ဂုကလေး ကျောင်းသွားရင်
micky ကလေး သူလိုက်ချင် ...
ုkitty လေးက အိပ်ပုတ်လေး
ကျောင်းသွားချိန်တောင် မနိုးသေး ..

စောစောထကာ ချက်ပြုတ်ရှာ
panda လေးက အလိမ္မာ ..
u kat sii ကပ်စေးနှဲ
ကျောင်းမုန့်ဖိုးတောင် မသုံးရဲ ...

teddy bear လေးက ချစ်ဖွယ်ပါ
ကုတ်ရင် နာတတ်တာ ...
မယ်ဂု ကြောက်လို့ အလွန်ဖက်
tweety ပိစိညှက် ...

ဒါကို ကြည့်လို့ အဟတ် ဟတ်
pooh ရုပ်ကလေး သူရယ်တတ် ..
မယ်ဂုလေးနဲ့ သူ့ကမ္ဘာ
ပျော်ရွှင်ချမ်းမြေ့စရာ ..
အတ္တတွေ ဘေးဖယ်ထား
လူ့ဘ၀က ခဏလေးဗျား ..

ဆုတောင်းစကားတွေက နောက်မှ သီးသန့်ဖော်ပြပေးမယ်နော်။ စိတ်ဆိုးရဘူးနော်။ ;)

မွေးနေ့တူသူများpost တုန်းက "နိုဝင်ဘာ၂၂ တော့ဟုတ်လောက်ဘူးထင်တယ်နော်။"ဆိုပြီး comment လာရေးသွားတဲ့ ကိုအလှတရားက ကျမနဲ့ မွေးနေ့တူတူပဲသိလား။ဟိ ဟိ။ :z

ကိုနေလင်းကလည်း နိုဝင်ဘာ၂၂ မွေးတာပဲတဲ့။ ပျော်စရာကြီးနော်။ :z

အပြည့်အစုံသို့....

ပြန်သိမ်းပေးပါနော်....

မင်္ဂလာဇနီးမောင်နှံနေ့

နိုဝင်ဘာလ (22)ရက်နေ့သည် ဂျပန်နိုင်ငံ၏ "မင်္ဂလာဇနီးမောင်နှံနေ့" ဖြစ်ပါသည်ရှင့်။

ဂျပန်က လတွေကို {(1)လ,(2)လ,(3)လ,...,(12)လ}ဆိုပြီး ရေတွက်လေ့ရှိတယ်။ ဒီတော့ နိုဝင်ဘာလက (11)လမြောက်ပေါ့ရှင်။ (11)လပိုင်း မှာ ကျရောက်တဲ့ (22)ရက်နေ့ကို ii fuufu no hi　(いい夫婦の日)လို့ခေါ်ပါတယ်။　ii ဆိုတာ (1)ကို အိ၊ နောက်ထပ် (1)တစ်လုံးကိုလည်း အိ လို့ အသံထွက်ပြီး "အိ အိ" ဆိုပြီး ဖြစ်လာတာပါ။ "အိ အိ" ဆိုတဲ့ အသံထွက်က "ကောင်းသော"လို့ အဓိပ္ပာယ်ရပါတယ်။ fuu fu 　က " ဇနီးမောင်နှံ "ပါ။　hi က "ရက်"ပါ။ "ကောင်းသော ဇနီးမောင်နှံနေ့ "လို့ ဘာသာပြန်ရတာ မဆီလျော်လို့ "မင်္ဂလာဇနီးမောင်နှံနေ့"လို့ ဘာသာပြန်လိုက်ပါတယ်။ ရတယ်ဟုတ်။ :p

"မင်္ဂလာဇနီးမောင်နှံနေ့"မှာ မင်္ဂလာဆောင်တဲ့လူတွေ၊ လက်မှတ်ထိုးတဲ့လူတွေ အရမ်းများပါတယ်။ သူငယ်ချင်း ဂျပန်မလေးပြောပြချက်အရဆို အဲဒီနေ့မှာ မင်္ဂလာဆောင်တဲ့အိမ်ထောင်ရေးက မြဲပါတယ်........တဲ့။ သာယာတတ်တယ်.........လို့လည်း ပြောပါတယ်။ အဲဒီနေ့ မွေးတဲ့လူက အဲ့ဒီနေ့မှာ လက်ထပ်ရင် ပိုပြီး သာယာချမ်းမြေ့တဲ့ဘဝကို ရတယ် .........လို့ ယူဆကြပါတယ်တဲ့။

အဓိကအားဖြင့် ဇနီးမောင်နှံအချင်းချင်း လက်ဆောင်အပြန်အလှန်ပေးကြပါတယ်။

တစ်နှစ်စာ အခဲမကျေမှုတွေ၊ မပြေလည်မှုတွေကို ပြေပျောက်အောင် စစ်ပြေငြိမ်းရေးစကားလေးတွေ၊ တီတီတာတာပြောလေ့လည်း ရှိကြပါတယ်။ "ဇနီးမောင်နှံ ပြန်လည်ညှိနှိုင်းရေးနေ့" ........လို့ ခေါ်ရင်လည်း မှားမယ်မထင်ပါဘူး။

အပြည့်အစုံသို့....

ပြန်သိမ်းပေးပါနော်....

မွေးနေ့တူသူများ

မွေးနေ့တူတဲ့သူတွေကို စိတ်ဝင်စားတဲ့ကျမက အသိထဲမှာ မွေးနေ့တူတဲ့လူတွေရှိရင် အရမ်းပျော်တယ်သိလား။ :z မွေးနေ့ဆုတောင်းခြင်းနှင့် မွေးနေ့ရှင်အားအတင်းတုတ်ခြင်း မှာလည်း မွေးနေ့တူတဲ့လူတွေအကြောင်း ရေးပြီးသွားပြီ။ ;) အခုလည်း အသိထဲမှာ မွေးနေ့တူသူ နှစ်ယောက် ထပ်တွေ့ပြန်ပြီရှင့်။ :z နှစ်ယောက်စလုံး Blogger ပါပဲ။ တစ်ယောက်ကတော့ ကိုအောင်ဦးပါ။ နောက်တစ်ယောက်ကတော့ မွေးနေ့လုပ်ရမှာ ရှက်လို့ ထင်ပါရဲ့။ ပြောဘူးတဲ့။ :z (ဟိ ဟိ၊ ကျမတောင် ကံကောင်းလို့ သိသွားတာ။ :p )နှစ်ယောက်စလုံးကို မွေးနေ့ဆုတောင်းပေးပြီးသွားပြီ။ :z {စကားမစပ်၊ ကျမက မွေးနေ့ဆုတောင်းပေးရတာလည်း ပျော်တယ်သိလား။ ကိုယ်နဲ့ ခင်ခင်၊ မခင်ခင် ဆုတောင်းပေးလေ့ရှိတယ်။ :p တစ်ခါတစ်လေ Blog လည်ရင်း မွေးနေ့တွေ့ရင် ဝင်ဆုတောင်းလိုက်တာပဲ။ ကိုယ့်ကိုလည်း ဖိတ်ပဲနဲ့လေ။ ဟိ ဟိ။ :z ခင်တဲ့ လူတွေကိုတော့ ပိုတာပေါ့နော်။ :p မိတ်ဆွေတွေ စိတ်ဆိုးမှာစိုးလို့ ဖားရသေးတယ်။ ;) }

:z ကိုယ်နဲ့ တစ်ရက်တည်း၊ တစ်နေ့တည်း မွေးတဲ့လူရှိတာ တစ်ခြားသူတွေ ပျော်မပျော်တော့ မသိ။ ကျမကတော့ အဲလို မွေးနေ့တူတဲ့လူတွေ့ရင် အရမ်းပျော်တာပဲ။ :z ငယ်ငယ်တုန်းကတော့ ကိုယ်နဲ့ တစ်နေ့တည်း၊ တစ်ချိန်တည်း၊ တစ်နှစ်တည်း မွေးတဲ့ ကောင်မလေး(ဖွားဖက်တော်ပေါ့နော်) :p တစ်ယောက်ရှိခဲ့ဖူးတယ်။ နောက်ပိုင်းတော့ ကွဲသွားတာ အခုဆို ဘယ်ရောက်နေမှန်းတောင် မသိဘူး။ :d ဂျပန်မှာလည်း မွေးနေ့တူတဲ့လူ နောက်တစ်ယောက် ထပ်တွေ့တယ်သိလား။ မွေးနှစ်တော့တူဘူး။ ;)

ဘာပဲပြောပြော ကိုယ်နဲ့တစ်ရက်တည်း မွေးတဲ့လူရှိတာ အဖော်ရသလို ခံစားရတယ်သိလား။ အခုလည်း ကျမနဲ့ မွေးနေ့တူတဲ့လူ ထပ်ပေါ်လာရင် ကောင်းမယ်နော်။ :z

အပြည့်အစုံသို့....

ပြန်သိမ်းပေးပါနော်....

ယုံကြည်မှု

အကြွင်းမဲ့ ယုံကြည်မှုကို အလွဲသုံးစားလုပ်ခံရတာလောက်............................

အပြည့်အစုံသို့....

ပြန်သိမ်းပေးပါနော်....

ဟူး.........ဖြစ်ပုံများ ပြောပါတယ်

ဪ၊ ကျမ နှယ့် ။ ငွေလေးတစ်ခါ ဘဏ်အကောင့်၊ ဘဏ်အကောင့်ခြင်း လွှဲခိုင်းပါတယ်။ (8)ရက်ရှိပြီ။ အခုထိ မရောက်။ :c နိုင်ငံခြားချင်း ဖြစ်ပြီးတော့များ ။ ကံဆိုးပုံများ။ စိတ်ကို ကုန်ရော။ တစ်ကယ်။ တော်ပါပြီ ။ နောက်ကျရင် လူတိုင်းလုပ်နေကြ လမ်းစဉ်တိုင်းပဲ သွားတော့မယ်။ :z လျှာရှည်ပြီး ဘဏ်အကောင့်၊ ဘဏ်အကောင့်ခြင်း လွှဲခိုင်းတာ ဟိုက English လို၊ ဒီက ဂျပန်လို။ Bank account ကို ဘယ်လိုရေးရမှန်းမသိ။ ရှိရှိသမျှ Bank Card တွေကလည်း Bank Company မတူတော့ ဂဏန်းပါပုံခြင်းလည်း မတူ။Bank of Tokyo-Mitsubishi က ဂဏန်း (14)လုံး ပါတယ်။Mizuho Bank က ဂဏန်း (10)လုံး၊ Japan post က ဂဏန်း (13)လုံး၊ UFJက ဂဏန်း (11)လုံး၊ Bank of Yokohama ကတော့ အခုတလော မသုံးဖြစ်လို့ ဘယ်နှစ်လုံး ပါမှန်းတောင် မသိတော့။ ;) (ဟိ ဟိ Bank Cardတွေ အများကြီးပဲနော်။ ပိုက်ပိုက်သာမရှိတာ။ :p ) အဲလောက် များပြားစွာသော Bank Card တွေက တစ်ခုမှ ဂဏန်းပါပုံခြင်း မတူလေတော့ ကျမလည်း သေချာဘယ်သိတော့မလဲနော်။ :p တစ်ချို့ Cardတွေက ဂဏန်းတွေရဲ့ အပေါ်မှာ စာလုံးသေးလေးနဲ့ ဘယ်ဟာက Bank account number ၊ ဘယ်ဟာက Branch number ဆိုပြီး ခွဲရေးပေးထားပါတယ်။ တစ်ချို့ကြ ခွဲမရေးထားဘူးသိလား။

ဘဏ်အကြောင်း သေချာနားမလည်ပါဘူးဆိုမှ ကျမကလည်း ဘဏ်အကောင့်၊ ဘဏ်အကောင့်ခြင်း လွှဲချင်မိတယ်လေ။ :p မြန်မြန် ရချင်တာကိုး။ ;) ဂျပန် ဂျပန်ခြင်းဆိုရင်တော့ ဘဏ်အကောင့်၊ ဘဏ်အကောင့်ခြင်း ငွေလွှဲတာက မြန်မှမြန်ပဲ။ :z နိုင်ငံခြားတော့ ဘဏ်ကနေတစ်ဆင့် မလွှဲဘူးပေါင်။ ဒီတစ်ခါ ပဲ လွှဲကြည့်ဘူးတာ။ :z စစခြင်း နာမည်၊ ကဒ်နံပါတ်၊ အိမ်လိပ်စာ၊ ဖုန်းနံပါတ်၊ ဘဏ်လိပ်စာ တွေကို Mail နဲ့ ပို့ပေးလိုက်တယ်သိလား။ လွှဲပေးမယ့် ညီမ အစုတ်ပလုတ်ဆီကိုလေ။ :p သူမကို ဖေဖေက ထည့်ပေးလိုက်တာ။ :p အခုမှ စင်္ကာပူ စရောက်ပြီး ဘာမှ နားမလည်သေးတဲ့ အူကြောင်ကြောင် ကောင်မလေးလေ။ ;) သူမလုပ်တတ်လို့ သူ့သူငယ်ချင်းရဲ့ အစ်ကို ကို အကူအညီတောင်းလိုက်ရတယ်။ :y ဟို အစ်ကိုကြီးကလည်း ကူညီရှာပါတယ်။ ဒါပေမယ့်၊ ပိုက်ပိုက်တွေက ချက်ချင်းမရောက်ပါ။ :d Mondayက လွှဲတာ Fridayမှ ရောက်မယ်တဲ့။ ဘုရားရေ၊ ဘဏ်အကောင့်၊ ဘဏ်အကောင့်ခြင်း လွှဲတာ အဲလောက်ကြာရသလား။ :d လူလူချင်း နားလည်မှုနဲ့ လွှဲတုန်းကတောင် ဒီနေ့ လွှဲ၊ မနက်ဖြန်ရောက်တယ်။ :p မြန်ချင်လို့ လွှဲချင်ပါတယ်ဆိုမှ ငါးရက်နီးပါး စောင့်ရမယ်တဲ့။ :d တတ်နိုင်ဘူးလေ။ စောင့်ရတော့တာပေါ့နော်။

အဲ၊ Fridayလည်း ရောက်လာရော ညီမဆီက ဖုန်းလာပါလေရော။ နင့် အကောင့်က မရှိလို့ ငွေလွှဲလို့ မရဘူး......တဲ့။ "ဟောတော့"လို့ ပဲ ပြောမိတော့တယ်။ :d အခုနကတောင် ပိုက်ပိုက်ထုတ်လိုက်သေးတဲ့ ကဒ်က အခု ရှိမနေပါဘူးဆိုတော့ စိတ်တောင် လေသွားတယ်။ ဟင့် ဟင့်။ :c ဒါနဲ့ နောက်တစ်ခေါက် Mailနဲ့ ထပ်ပို့ရပြန်တယ်။ နာမည်၊ ကဒ်နံပါတ်၊ အိမ်လိပ်စာ၊ ဖုန်းနံပါတ်၊ ဘဏ်လိပ်စာ တွေကိုလေ။ ဒီတော့ ညီမက ပြောပြန်ရော "ကဒ်နံပါတ်ကို ရေးတာ Branch number ကျန်ခဲ့လို့"......တဲ့။ ကျမက သူမ နားလည်အောင် Branch numberနဲ့ account number ကို သေသေချာချာခွဲရေးပေးလိုက်တာ သူမက account numberပဲ ရေးပေးလိုက်တယ်ဆိုပဲ။ :d Branch number မပါတော့ ဘယ်ရလိမ့်မလဲနော်။ :p ဒါနဲ့ ထပ်စောင့်ရပြန်ရော။ Saturday, Sundayနှစ်ရက်လေ။ မနေ့က Monday ဆိုတော့ အစ်ကိုကြီးက Bank ကို ထပ်သွားပြော ပေးရတာပေါ့။ ဒါလည်း မရှိသေးဘူးလို့ပဲ ပြောလွှတ်တယ်......တဲ့။ :c

ဒီတစ်ခါ တော့ မရတော့။ သူတို့　ပြောသမျှ စောင့်နေမယ့်အစား လိုအပ်တဲ့ အချက်အလက်တွေကို မေးပြီး ကိုယ်ဟာကိုပဲ ဂျပန်က Bankကို ဖုန်းဆက်မေးလိုက်တော့တယ်သိလား။ :z { စကားမစပ်၊ ဂျပန်မှာ အဲဒီတစ်ခု ကောင်းတယ်။ ဖုန်းနဲ့ အလုပ်လုပ်လို့ ရတယ်။ ဘဏ်ကို တကူးတက သွားစရာမလိုဘူး။ ကိုယ့်ရဲ့ အချက်အလက်မှန်ရင် ဖုန်းနဲ့ ပြောလို့ ရတယ်။ (ဟိ ဟိ၊ ကျမလုပ်နေကျ။ :p )} ဖုန်းဆက်ပြီး အကျိုးအကြောင်း ပြောပြလိုက်တော့ ဘဏ်အကောင့်က ရှိပါတယ်တဲ့။ ကျမပေးလိုက်တဲ့ ဘဏ်လိပ်စာ က ကျမ အိမ်နဲ့ နီးတဲ့ ဘဏ်ခွဲရဲ့ လိပ်စာဖြစ်နေပြီး တကယ်တမ်းပေးရမှာက စစချင်း Bank account လုပ်တုန်းက နေရာက ဘဏ်ခွဲရဲ့ လိပ်စာကိုတဲ့ ။ "ဪ၊ အခုတော့ ကျမသိပြီ".......လို့ တောင် ရေရွတ်ရမလိုပဲ။ :p

မသိနားမလည်တော့လည်း အဲလိုပဲလေ။ အဆင်ကို မပြေ။ ကျမ မေးသားပဲ။ " ဘယ်လိပ်စာကို လိုခြင်တာလဲ"လို့ ဟိုညီမ အစုတ်ပလုတ်ကိုလေ။ ;) သူမက ဘဏ်လိပ်စာ ဖြစ်ရင် ပြီးရော၊ နင်နဲ့ နီးတဲ့ နေရာက ဘဏ်လိပ်စာ ပေးတဲ့။ ကောင်းရော။ :p သူမကလည်း စေတနာနဲ့ လွယ်လွယ်ကူကူ ထုတ်စေချင်လို့ နေမှာပါ။ ဒါပေမယ့်၊ စည်းကမ်းအရ အဲလို လုပ်လို့ ရဘူးလေနော်။ :p အခုတော့ Bank မှာ ရှိရဲ့ သားနဲ့ ကျမဆီကို ရောက်မလာ။ :( ကျမပေးလိုက်တဲ့ လိပ်စာက ဘဏ်ခွဲမှာ ရှိနေသတဲ့....... တဲ့လေ။ အကောင့်ဖွင့်ထားတဲ့ ဘဏ်ခွဲလိပ်စာကို ပြင်ပါလေမှ ကျမဆီ ရောက်မှာပါတဲ့ရှင်။ (ဪ၊ ပြောဖို့ မေ့သွားတယ်။ Bankက Mizuho Bank Ltd ပါ။ ဘဏ်ခွဲတွေက အများကြီးလေ။ :p )

ဟူး စောင့်ပေးအုန်းတော့။ :y နောက်တစ်ရက်။ သူများကို လုပ်ခိုင်းရတာ ဘယ်လောက်အားနာဖို့ကောင်းလဲနော်။ ခဏ ခဏ ပြင်နေရတာ။ တော်ပါသေးရဲ့၊ :y အဲဒီအစ်ကိုကြီးက သဘောကောင်းလို့။ :z

စာဖတ်သူများရှင့်၊ ကျမလို မဖြစ်ရလေအောင် ငွေလွှဲမယ်ဆိုရင် စစ်ဆေးကြပါနော်။ :z

အပြည့်အစုံသို့....

ပြန်သိမ်းပေးပါနော်....

ဗမာပြည်

"ဗမာပြည်သည် တို့ပြည်
ဗမာစာသည် တို့စာ
ဗမာစကားသည် တို့စကား
တို့ပြည်ကို ချစ်ပါ
တို့စာကို မြတ်နိုးပါ
တို့စကားကို လေးစားပါ"

စကားလုံးနည်းနည်းလေးနဲ့ မျိုးချစ်စိတ်ဓာတ်ကို နိုးဆော်နိုင်တဲ့ သခင်ဘသောင်းရဲ့ ကဗျာ(ဆောင်ပုဒ်)ပါ။ အရမ်းကြိုက်လို့ အခုထိ အလွတ်မှတ်မိနေပါတယ်။ အဲဒီ ကဗျာဖတ်လိုက်တိုင်း ဇာတိသွေး၊ ဇာတိမာန် တွေ တက်ကြွလာလေ့ရှိပါတယ်။ အခု၊ ထိုကဗျာကို ဂျပန်လို ဘာသာပြန်လိုက်ပါတယ်။

『ミャンマーは　我々の国
ミャンマー語は　我々の言語
ミャンマー字は　我々の文字
我々の国を　愛して
我々の文章を　守って
我々の言葉を　大事にして』

အတတ်နိုင်ဆုံး ဆီလျော်အောင် ဘာသာပြန်ထားခြင်းဖြစ်လို့ ကျမထက် ပိုမို ကောင်းမွန်စွာ ဘာသာပြန်ပေးမယ့်လူရှိရင် ကူညီပါအုန်းရှင်။ :y ဒီ ဂျပန်ဘာသာပြန်က ဂျပန်မူလတန်းကျောင်းသူ၊ ကျောင်းသားလေးတွေကို လက်ဆောင် အဖြစ် Print ထုတ်ပြီး ပေးဖို့ ရည်ရွယ်ထားလို့ပါ။

" ဟိ ဟိ၊ ဒီကောင်မလေး၊ ဟိုရောက်ဒီပေါက် ဘာတွေပြောနေတာပါလိမ့်"လို့ ထင်နေကြပါသလား။ :z ဒီလိုရှင့်။ ဒီဇင်ဘာလမှာ မူလတန်းကျောင်း တစ်ကျောင်းမှာ ဆရာမတစ်ယောက်အနေနဲ့ မြန်မာအကြောင်း သွားရောက်ရှင်းပြရပါမယ်။ 　 :z　ဟိုတစ်ခါ အလယ်တန်းကျောင်းသွားတုန်းက ကလေးတွေကို အတွေ့အကြုံ၊ ဗဟုသုတတွေ အများကြီး ပေးခဲ့လို့ ကျောင်းမှာ အမှတ်ပြည့် အထင်ကြီးခံရပြီး အခုတစ်ခါလည်း By nameနဲ့ တောင်းဆိုခံရပါတယ်။ :p {ဟိ ဟိ၊ မြန်မာတွေ အများကြီးထဲမှာမှ ဆရာမက လာပြီးတော့ကို အကူအညီတောင်းတာပါ။} ;) ဟိုတစ်ခါ အလယ်တန်းကျောင်းကို တူတူသွားတဲ့ ဂျုနီယာကောင်လေးလည်း တောင်းဆိုခံရပါတယ်။ သူက တစ်ခြားကျောင်းကို သွားရောက်မှာ ဖြစ်တဲ့အတွက် ဒီကျောင်းကို ကျမတစ်ယောက်တည်း သွားရမှာပါ။ :z

အပေါ်က ကဗျာက ကလေးတွေကို မြန်မာ့အကြောင်းသင်ကြားရာမှာ ကျမပြောပြချင်တဲ့ အကြောင်းအရာတွေထဲက တစ်ခုပါ။ ဂျပန်လူမျိုးတွေ ကိုယ့်တိုင်းပြည်၊ကိုယ့်လူမျိုးကို ချစ်သလိုမျိုး မြန်မာလူမျိုးတွေလည်း ကိုယ့်တိုင်းပြည်၊ကိုယ့်လူမျိုးကို ချစ်ပါတယ်ဆိုတာကို ဒီကဗျာနဲ့ ရှင်းဖို့ ရည်ရွယ်ထားပါတယ်။ တစ်ခြား ပြောပြချင်တာတွေ၊ ပြသချင်တာတွေ အများကြီးမှ အများကြီး ရှိပါတယ်။ အချိန်ကန့်သတ်ထားလို့ အချိန်တိုလေးအတွင်းမှာ ထိထိရောက်ရောက် သင်ကြားချင်ပါတယ်။ :p တစ်ယောက်အားထက် အများအားက ပိုပြီး ပြည့်စုံမှာဖြစ်လို့ စာဖတ်သူတွေကို အကူအညီတောင်းချင်ပါတယ်။ :y "ဘယ်လို အကြောင်းအရာတွေ ရှင်းပြရင်ကောင်းမလဲ။ ဘာတွေကို ပြသရင်ကောင်းမလဲ။ ဘယ်လို အချက်အလက်တွေကို ရှာရလွယ်မလဲ......" စသဖြင့်ကို အကြံဉာဏ်ပေးစေချင်ပါတယ်။ :y

ကလေးတွေ သဘောလည်း ပေါက်အောင် ၊ မြန်မာဆိုတာ ဘာလည်းကို သေချာသိအောင် ပြောပြချင်ပါတယ်ရှင်။ :z

အပြည့်အစုံသို့....

ပြန်သိမ်းပေးပါနော်....

အလိုမရှိ

ဒေါသက

ငါ့တံခါးကို အသာအယာဖွင့်

ခပ်လွယ်လွယ် ထွက်သွားတယ်


ဟေ့ .....

ဟေ့ .....ဒေါသ

မင်း...... ဘယ်တော့မှ ပြန်မလာနဲ့

ငါ့ဆီမှာ..... မင်းအတွက် အောက်ဆီဂျင်မရှိဘူး။ ။

မောင်လေးကဗျာပဲလေ။ ဆားချက်တာ၊ ဆားချက်တာ။ :z :z :z

အပြည့်အစုံသို့....

ပြန်သိမ်းပေးပါနော်....

မွေးနေ့ဆုတောင်းခြင်းနှင့် မွေးနေ့ရှင်အားအတင်းတုတ်ခြင်း

ထူးထူးဆန်းဆန်း လို့ ဆိုရမလားပဲ။ ကျမအသိထဲမှာ မွေးနေ့တူသူ သုံးဦး ရှိတယ်သိလား။ လနဲ့ ရက်နဲ့ပေါ့နော်။ မွေးတဲ့ နှစ်တော့ မတူကြပါဘူး။ သူတို့အားလုံး နိုဝင်ဘာ(17) ရက်နေ့မှာ မွေးတာသိလား။ :z

တစ်ယောက်က ကျမရဲ့ အဒေါ်အရင်းပါ။ ငယ်ငယ်တုန်းက စာကျက်စေချင်တဲ့အဒေါ်က စာမေးပွဲနားနီးမှ စာကျက်တဲ့ ကျမကို တစ်စက်မှ မကြည့်ရခဲ့။ ကျမကလည်း စာကျက်ပျင်း၊ အဒေါ်က စာကျက်ခိုင်းနဲ့ စာကျက်ဖို့အရေး ၊ ပြေးတိုင်းလိုက်တိုင်း ကစားနေကြ။ :z မေမေကတော့ ကျမရဲ့ အူကြောင်ကြောင် မှတ်ဉာဏ်ကို ယုံလို့ ဆူလည်း မဆူ ၊ ငေါက်လည်း မငေါက်ပါ ။　ဖေဖေကလည်း ကျမကို အရမ်းချစ်တော့ ဘာတစ်ခုမှ အပြစ်ပြောလေ့မရှိ။ အဲဒီ အဒေါ်ပဲ အမြဲ ပွစိ ပွစိ။ ဟိ ဟိ။ အဒေါ့်စေတနာကို နားလည်ပေမယ့် ကလေးပီပီ စိတ်ညစ်ခဲ့တာတော့ အမှန်ပဲ။ ကျမကို မချစ်ဘူးလို့လည်း ထင်ခဲ့တာပေါ့နော်။ အမြဲ ဆူခံထိနေတာဆိုတော့။ ;) အဒေါ် ကျမကို ချစ်မှန်း သေချာသိလိုက်ရတာက ဂျပန်လာတော့မှ သိလား။ ဂျပန် စရောက်ခါစက အချိန်ပိုင်းအလုပ်လည်း မရှိ၊ ဂျပန်ရောက်တာနောက်ကျခဲ့တော့ ကျောင်းမှာ အပေါင်းအသင်းရယ်လို့လည်း ချက်ချင်း ရှာမတွေ့သေး၊ အမျိုးအဆွေလည်း မရှိ၊ ဘေးပတ်ဝန်းကျင်မှာလည်း မြန်မာမရှိ၊ တစ်ယောက်တည်း အထီးကျန်ဆန်လွန်းတဲ့ ကျမကို အမြဲအားပေးခဲ့တာ အဒေါ်ပါ။ ကျမကို သနားလွန်းလို့ ကျမနဲ့ တူတူ ဖုန်းထဲမှာ ငိုခဲ့တာလည်း အဒေါ်ပါပဲ။ မိဘတွေက ပိုက်ဆံပို့ပေးတိုင်း သူမရဲ့ ပိုက်ဆံတစ်ချို့ကိုပါ ထည့်ဝင်ပေးတတ်ခဲ့တာလည်း အဒေါ်ပါပဲ။ အဒေ့ါ် ကျေးဇူးတွေ၊အဒေါ့်စေတနာတွေကို ကြာလေ ကြာလေ ပိုသိလာလေပဲ။ အသိနောက်ကျခဲ့တဲ့အတွက် ခွင့်လွှတ်ပါ ........လို့ပဲ အဒေါ်သိအောင် ပြောကြားရင်း အဒေါ်မွေးနေ့ကို ကြိုဆုတောင်းပေးချင်ပါတယ်။ "အန်တီလတ်မွေးနေ့မှာ စိတ်၏ ချမ်းသာခြင်း၊ ကိုယ်၏ ကျန်းမာခြင်းနဲ့ ပြည့်စုံပါစေလို့ ဆုတောင်းပေးလိုက်ပါတယ်နော်။" :y

နောက်တစ်ယောက်က အစ်ကိုတစ်ဝမ်းကွဲရဲ့ သူငယ်ချင်းပါ။ :z အစ်ကိုတစ်ဝမ်းကွဲက ငယ်ငယ်လေးထဲက ကျမတို့နဲ့ တူတူနေတာဆိုတော့ အစ်ကိုအရင်းမရှိတဲ့ ကျမတို့မောင်နှမအတွက် အစ်ကိုအရင်းလို့ပဲ သက်မှတ်ထားရတဲ့ အစ်ကိုပါ။ အစ်ကို့သူငယ်ချင်းတွေကလည်း ကျမတို့အတွက်တော့ အစ်ကိုတွေပါပဲ။ အစ်ကို အရွယ်ပေမယ့် သူတို့က ဦးလေးလို့ ခေါ်စေချင်ကြတယ်ရှင့်။ အသက်ကဖြင့် (7~8)နှစ်ပဲ ကွာတာကို သိလား။ :z သူတို့ ဘာလို့ ဦးလေးခေါ်ခံချင်လည်းဆို ကျမမှာ အရမ်းချောတဲ့ အဒေါ်ငယ်ငယ်လေး ရှိတယ်ရှင့်။ :)သူတို့နဲ့ ရွယ်တူပဲလေ။ ဒါကြောင့်၊ ဦးလေးလို့ အခေါ်ခံချင်ကြတာ။ ဟိ ဟိ။ အခု မွေးနေ့ရှင်အစ်ကိုကြီးကို သုံးတန်းကတည်းက သိတာလေ။ ဒီတော့ အရမ်းခင်ပါတယ်။ ဦးလေးလိုကော၊ အစ်ကိုလိုကောလေ။ တစ်ကယ်က လျှောက်ပြီးသာ ဦးလေးအခေါ်ခံချင်တာ၊ အဒေါ်သေးသေးလေးကို သူကြိုက်တာလေးမဟုတ်။ :p သူ့မှာလည်း သူ့ရည်းစားနဲ့၊ (အခုတော့ သူ့မိန်းမပေါ့။ ) ချောချောလေးပဲ။ ကလေး အမွှာပူးလေးလည်း မွေးထားသေးတယ်သိလား။ အစ်မနဲ့ တူတော့ ကလေးလေးတွေက ချောလိုက်တာ၊ ဟိ ဟိ။ ဟိုနေ့က အစ်ကိုတစ်ဝမ်းကွဲရဲ့ မင်္ဂလာဆောင် အခွေမှာ တွေ့လိုက်တာ။ ဦးလေးအစ်ကိုကြီးကတော့ စိတ်ချမ်းသာလွန်းလို့ ထင်တယ်၊ ဝဖြီးလို့။ :p "ဦးလေးအစ်ကိုကြီးရေ၊ မွေးနေ့မှာ ကလေးနှစ်ယောက်နဲ့ မမနဲ့အတူ မွေးနေ့ပွဲကောင်းကောင်းကျင်းပနိုင်ပါစေနော်။ ကလေးတွေလိုချင်တာ ကို ဖြည့်ဆည်းပေးနိုင်တဲ့ ဖေဖေကောင်းတစ်ယောက်ဖြစ်ပါစေ။ :p "

နောက်တစ်ယောက်က သူငယ်ချင်းပါ။ ကောင်စုတ်ပလုတ်ပေါ့။ သိတာ (7)နှစ်ရှိပြီ။ ရေစက်ပါပုံများ၊ မန္တလေးမှာ ကျောင်းတက်တုန်းကလည်း တူတူ။ ရန်ကုန်မှာ ကျောင်းတက်တော့လည်း တူတူ။ အဲ၊ အေးအေးဆေးဆေး ဂျပန်ရောက်လာလို့ တွေ့ရတော့ဘူးထင်ထားပါတယ်။ ကျမရောက်ပြီး နောက်တစ်နှစ်မှာ ပေါက်ချလာပါလေရော။ သူ့ကောင်မလေးက ဂျပန်သွားမယ်ဆိုတာနဲ့ စိတ်မချနိုင်ပဲ ပါလာတာလေ။ သူ့ကောင်မလေးလို့သာ ပြောတာ။ သူကြိုက်နေတဲ့ ကောင်မလေး ။ သူ့ထက် နှစ်နှစ်ငယ်တယ်သိလား။ ဟို ကောင်မလေးက သူ့ကို မကြိုက်။ သနားပါတယ်နော်။ ဟိ ဟိ။ ဟိုက သူ့ကို မကြိုက်တာကို သိသိချည်းနဲ့ သူ့ခမျာ ကောင်မလေး ခိုင်းတာဆို အကုန်လုပ်ပေးတယ်သိလား။ ကျမ အပေါ်များတော့ ပိုက်ဆံချေးခါနီးကြရင် ၊ အကူအညီလိုရင် ဖုန်းဆက်တတ်တဲ့ သူငယ်ချင်း အကောင်းစားကြီးလေ။ ဟိုတစ်ခါ မြန်မာနိုင်ငံကို သုံးပတ်ပြန်တာ သူ့ကောင်မလေးကို ပဲ အကြောင်းကြားသွားတယ်။ ကျမဆီတော့ ယောင်လို့တောင် ဖုန်းမဆက်ခဲ့။ ဟိုကောင်မလေးအတွက်တော့ မှာသမျှပစ္စည်း တစ်ခုမကျန် သယ်လာပုံပဲ။ တစ်ကယ်ဆို ကျမက ဘာလူကြုံမှ မှာလေ့မှာထမရှိဘူး။ ကိုယ်ချင်းစာလို့လေ။ ပြီးတော့ မေမေကလည်း နှစ်လတစ်ခါလောက် EMS နဲ့ ပို့ပေးနေကြ။ ;) ဒါကို သူက လူကြုံမှာမှာစိုးလို့ အကြောင်းတောင် မကြားပဲ ပြန်သွားတာ။ စိတ်တိုတိုနဲ့ မခေါ်ပဲ နေတော့လည်း ဂျပန်ပြန်ရောက်လာတော့ အတင်း ပြန်လာခေါ်သေးတယ်သိလား။ အမြင်ကို ကပ်တယ်။ အဟုတ်။ :p ကျောင်းတက်တုန်းကလည်း သူစာမကျက်တိုင်း၊ စာမရတိုင်း ဆရာက ကျမကို လာဆူတယ်။ သူနဲ့ ကိုယ်နဲ့လည်း ဘာမှ မဆိုင်ပဲနဲ့။ ဆရာက သူ့ကို မတွေ့တိုင်း ကျမကို သူ့အစား ဆူတယ်။ ဟင့် ဟင့်။ ကိုယ့်အပေါ်မကောင်းတာက ခပ်များများရှိတဲ့ အစုတ်ပလုပ်ကောင်ရှုပ်လေးကို သူငယ်ချင်းသံယောဇဉ် ကလည်း ရှိနေတော့ ဆုတောင်းပေးရမှာပေါ့လေ။ " ကောင်စုတ်ပလုတ်၊ မိန်းမမြန်မြန်ရပါစေ။ " ;)

အပေါ်က လူသုံးယောက်က မွေးနေ့၊ မွေးလတူပါတယ်။ မွေးနှစ်ပဲ မတူကြတာပါ။ သူတို့အကြောင်းတွေ ရေးရင်းရေးရင်းနဲ့ နိုဝင်ဘာဖွားနောက်တစ်ယောက်ကို သတိရမိတယ်။ သူမက တော့ နိုဝင်ဘာ (12)ရက်မှာ မွေးတာပါ။ :z ကျမထက် ဆယ်ရက်ပဲ ကြီးပြီး ဆယ်နှစ်စာလောက် ဆရာလုပ်တတ်တဲ့၊ ကျမနဲ့ မတည့်မခေါ်ပဲ မနေနိုင်တဲ့ တယ်ရင်း အစုတ်ပလုတ်မပေါ့။ ဟိ ဟိ။ {ကျမက အရမ်းခင်တဲ့ လူတွေကို စိတ်ဆိုးရင် အစုတ်ပလုတ်လို့ ပြောတတ်တယ်သိလား။ သူမက မိန်းကလေးဆိုတော့ အစုတ်ပလုတ်မပေါ့နော်။ တစ်ခါတလေတော့လည်း ချစ်စနိုးနဲ့ ခေါ်တာပါ။ :p} ကံဆိုတာများ တော်တော်ဆန်းကြယ်တယ်။ သူမနဲ့ ကျမက ငယ်ငယ်တုန်းက ကျောင်းမတူဘူးရှင့်။ ကံဆိုးတာလား ၊ ကံကောင်းတာပဲလား မသိ၊ ကျုရှင်က တူတူ။ ဒီတော့ သူမကို မသိချင်လည်း သိရတော့တာပေါ့နော်။ ငါးတန်းကြတော့ တစ်ကျောင်းတည်း ဖြစ်သွားပါလေရော။ ကံကောင်းတာတစ်ခုက အခန်းမတူဘူး။ ကံဆိုးတာနှစ်ခု က ကျုရှင်တူတူပဲ။ ဟင့် ဟင့်။ နောက်တစ်ခုက တရုတ်ကျောင်း မှာ အတန်းတူတူပဲ။ ဒီတော့ရှင်၊ မတွေ့ချင်လို့ကို မရ။ တစ်နေရာမဟုတ် တစ်နေရာမှာ တွေ့ရတယ်။ ခြောက်တန်းနှစ်ကနေစပြီး ဆယ်တန်းအထိ အတန်းတူ၊ အခန်းတူ၊ ကျုရှင်တူ၊ နဲ့ မခင်ချင်လို့မရ ခင်ခဲ့ရတဲ့ တယ်ရင်း အရင်းခေါက်ခေါက်ကြီးပေါ့။ :p တက္ကသိုလ်တက်တုန်းက ခဏ အဆက်အသွယ်ပြတ်သွားသေးတယ်။ ဂျပန်ရောက်တော့ ပြန်ဆက်သွယ်မိပြန်ရော။ သေချာတွက်ကြည့်ရရင်သူမနဲ့သိခဲ့တာ (14)နှစ်လောက်ရှိပြီ။ ဟိဟိ။ :z ဒီလောက် နှစ်ရှည်လများ သိခဲ့တော့ တစ်ယောက်အကြောင်း တစ်ယောက် အတွင်းသိ အစင်းသိ။ ဒါကြောင့် ထင်တယ်၊ တွေ့လိုက်တိုင်းလည်း တစ်ကျက်ကျက်၊ တစ်စက်မှ မတည့်။ ;) ဒါတောင် သူမက ကျမကို ယောင်းမတော်မလို့တဲ့။ တစ်ဦးတည်းသော သမီးဖြစ်တဲ့ သူမမှာ ပေးစရာ ဘာမှဖြင့် မရှိပဲနဲ့၊ ဘုရား၊ ဘုရား လေးနှစ်ကျော်ကွာတဲ့ မောင်လေးကို ပေးပြီးတော့ သူမကို ယောင်းမ တော့ မတော်နိုင်ပေါင်။ ဒါနဲ့၊ ယတိပြတ်ငြင်းထားရတယ်သိလား။ :p မတော်ရေးချ မတော်လို့။ :z ဟိ ဟိ။ သူမ အတင်းတွေ ထိုင်တုတ်နေတာ ကြားသွားရင်တော့ လာဆဲမလားပဲ။ ဟဲ ဟဲ၊ "နာ့တယ်ရင်းလေးရေ၊ စိတ်ဆိုးနဲ့နော်။ ခင်လို့ စတာပါအေ့။ အသက် တစ်နှစ်ကြီးပြီနော်။ စိတ်ဆိုးတတ်တဲ့ စိတ်တွေကို လျှော့တော့နော်။ နင့်မွေးနေ့မှာ ဘုရားသွားရင် နာ့အတွက်လည်း ဆုတောင်းပေးခဲ့အုံးနော်။ :p " "နာတို့တွေ အပြန်အလှန် ဆုတောင်းကြရအောင်နော်။ ဟိ ဟိ။ "

အပြည့်အစုံသို့....

ပြန်သိမ်းပေးပါနော်....

စောင်းမြောင်းပြောဆိုခြင်း

စောင်းမြောင်းပြောဆိုခြင်း..............တဲ့။
သဘောထားသေးတဲ့ လူတစ်ချို့ မှာ တွေ့ရတတ်တဲ့ စိတ်ဓာတ်ပါ။ ;) ဥပမာ၊ ရန်ဖြစ်တယ်၊ တစ်နည်းအားဖြင့် သဘောထားမတိုက်ဆိုင်ဘူးဆိုပါစို့။ သူနိုင် ကိုယ်နိုင် ငြင်းခုန်ဆွေးနွေးကြပါလေရော။ အဲ၊ အဲဒီမှာ ကိုယ်က မနိုင်ခဲ့ပေမယ့် တစ်ဖက်လူကို အလျှော့လည်း မပေးချင်၊ ပြန်လည်ချေပချင်၊ ဒါပေမယ့် နောက်ထပ်တစ်ခေါက် ထိပ်တိုက်ရင်ဆိုင်ရမှာလည်း ကြောက်ခဲ့ရင် စောင်းမြောင်းပြောဆိုတတ်ကြပါတယ်။ :z ယေဘူယျအားဖြင့် မိန်းကလေး အများစု လုပ်လေ့လုပ်ထရှိတဲ့ လုပ်ရပ်ပါ။ (မိန်းကလေးတိုင်းကို မဆိုလိုပါ။ :y )

ယောင်္ကျားလေး တော်တော်များများတော့ စောင်းမြောင်းပြောဆိုခြင်း ကို လုပ်လေ့ လုပ်ထမရှိပါဘူး။ ယောင်္ကျားပီပီ ပွင့်ပွင့်လင်းလင်း ဖြေရှင်းကြတာပဲ တွေ့ဖူးပါတယ်။ နောက်ကွယ်ကနေ အတင်းပြောသလို စောင်းမြောင်းခြင်းကတော့ ယောင်္ကျားစစ်စစ်ဆို မလုပ်ဘူးလို့ ထင်တာပဲလေ။ :p ကုန်ကုန်ပြောမယ်ရှင်၊ မိန်းကလေးပဲ ဖြစ်နေအုန်းတော့၊ စိတ်ထားရင့်ကျက်ပြီး သဘောထားကြီးမားတဲ့လူဆိုရင်တော့ မလုပ်လောက်ဘူးထင်တာပဲ။ အခုတော့ ယောင်္ကျားကြီးတန်မဲ့နဲ့ စောင်းမြောင်းပြောဆိုနေတာဟာ စဉ်းစားကြည့်တာနဲ့ စိတ်ကုန်တယ်။ :( ဟိ ဟိ၊ ယောင်္ကျားကြီးတန်မဲ့ မိန်းမစိတ်ကြီးနဲ့ ။ ;) ရှက်တတ်ရင် သေဖို့ပဲ ရှိတော့သည်။ :p

ဟောတော့၊ :y သူများကို ပြောချင်ဇောနဲ့ ကိုယ်ပါ စောင်းမြောင်းပြောခြင်း ဂိုဏ်းဝင်တစ်ယောက် ဖြစ်မှန်းမသိ ဖြစ်သွားပြီ။ :c ရှက်စရာကောင်းလိုက်တာနော်။ :c ထိပ်တိုက်ပြောလိုက်ရင် ကောင်းမလားပဲ။ :d တတ်နိုင်ဘူးလေ။ ဘူးခံငြင်းမှာကို သိနေလေတော့ ရှက်ရှက်နဲ့ပဲ ပြန်လည်စောင်းမြောင်းပြောဆိုရတာပေါ့နော်။ :p ဟိ ဟိ။

မသိလို့ မေးမယ်နော်။ :d သူ့လို ယောင်္ကျားမျိုးတွေရှိနေတာ ယောင်္ကျားကောင်းတွေ သိက္ခာကျရာ ရောက်မနေဘူးလား။ ;) ;) ;) :p :p :p :) :) :)

အပြည့်အစုံသို့....

ပြန်သိမ်းပေးပါနော်....

စိတ်

လူရဲ့စိတ်ဟာ လေထီးတစ်လက်နဲ့ တူပါတယ်။
ပွင့်နေမှသာ အလုပ်ဖြစ်တာပါ။

ဟိ ဟိ၊ ဆားချက်တယ်ပြောလည်း ခံရမှာပဲ။ စာဖတ်သူတွေကို ရသမျိုးစုံပေးချင်ပေမယ့် ကျမက ကဗျာမရေးတတ်ဘူးလေ။ ;) ဒီတော့၊ ကိုယ့်မောင်လေးကိုပဲ အားကိုးရတာပေါ့နော်။ :z မောင်လေးက ကဗျာရေးတာ ဝါသနာပါတယ်ရှင့်။ သူရေးထားတဲ့ ကဗျာတွေကို Blog မှာတင်ချင်တယ်လို့ သူ့ကို ခွင့်တောင်းတော့ ခွင့်ပြုစွာနဲ့ ကဗျာစာအုပ်တစ်အုပ်ပို့ပေးလာတယ်သိလား။ (19)နှစ် ပြည့်တုန်းက အမှတ်တရ ထုတ်ထားတယ်ဆိုပဲ။ :p သူ့သူငယ်ချင်းတွေ တောင် အဆစ်ပါသေး။ ;)

ဆေးထိုးအပ် မကိုင်ချင်ပဲ ကလောင်ကိုင်ချင်တဲ့ ကောင်ရှုပ်လေးတစ်စုလေ။ :z တစ်ကယ်။ သူတို့များ ရေးလည်းရေးတတ်တယ်သိလား။ တစ်ချို့ကဗျာတွေဆို မြင့်လွန်းလို့ ကျမအနေနဲ့ လိုက်တောင်မမှီ။ ဟိ ဟိ။

အမြည်းအနေနဲ့ ဒီနေ့ တစ်ပုဒ်တင်ပေးလိုက်တယ်နော်။ နောက်လည်း တင်အုန်းမယ်သိလား။ မှတ်ထားကြနော်။ ကဗျာဆို ကျမရေးတာဟုတ်ဘူး။ ;)မောင်လေးကဗျာနဲ့ ဆားချက်တာ။ :z

ဟိုတစ်ခါ တင်တဲ့ငှက်ကလေး ကျွန်တော်ပို့စ်လည်း သူ့ကဗျာပဲလေ။

အပြည့်အစုံသို့....

ပြန်သိမ်းပေးပါနော်....

”စိတ်ရင်းမှန်နှင့် အပေါ်ယံ”

"ဟန်ဆောင်မျက်နှာဖုံး"ဆိုတာ ဂျပန်တွေရဲ့ စိတ်ဓာတ်ကို တင်စားခေါ်လိုက်တဲ့ အသုံးအနှုန်းတစ်ခုပါ။ ဂျပန်တွေရဲ့ စိတ်ဓာတ်က တော်တော် ကြောက်စရာကောင်းပါတယ်။ အပေါ်ယံမှာ အပြုံးတွေနဲ့ ဝေဆာနေပေမယ့် အတွင်းမှာတော့ ဘာတွေဖြစ်နေလဲကို ခန့်မှန်းရတော်တော်ခက်ပါတယ်။ အဲဒါကို ဂျပန်လို ”本音と建前”（ဟွန်းနဲ တို့ တတဲမအဲ) လို့ ပြောပါတယ်။ 本音(ဟွန်းနဲ )ဆိုတာက စိတ်ရင်းမှန်ပါ။ 建前(တတဲမအဲ) ဆိုတာက ဟန်ဆောင်ထားတဲ့ အပေါ်ယံကို ပြောချင်တာပါ။ စကားပုံတစ်ခုပေါ့။　 မြန်မာလို သင့်လျော်အောင် ဘာသာပြန်ရရင်　”စိတ်ရင်းမှန်နှင့် အပေါ်ယံ”　ပေါ့။

ဂျပန်လူမျိုး တော်တော်များများဟာ ”本音と建前”ဆိုတဲ့ စကားပုံအတိုင်း လိုက်နာကျင့်သုံးကြပါတယ်။ ဘယ်လောက်ပဲ စိတ်တိုတို၊ ဘယ်လောက်ပဲ ဒေါသထွက်ထွက်၊ ဘယ်လောက်ပဲ မုန်းမုန်း မျက်နှာမှာ ခံစားချက်မပေါ်အောင် ထိန်းနိုင်ကြပါတယ်။

စကားနဲ့တောင် အငြင်းစကားရယ်လို့ မယ်မယ်ရရမရှိလောက်အောင် ဂျပန်လူမျိုးတွေဟာ ”ပဋိပက္ခ”ဆိုတဲ့ ဝေါဟာရကို ရှောင်ကျဉ်ကြပါတယ်။

ဘယ်နိုင်ငံမဆို ”ဟုတ်ကဲ့၊ မဟုတ်ဘူး။ ”ကို သုံးလေ့ရှိကြပေမယ့် ဂျပန်မှာရှိတဲ့ ”ဟုတ်ကဲ့၊ မဟုတ်ဘူး။ ”ဟာ စကားလုံး အမည်ခံသက်သက်ပါ။ ဂျပန်လူမျိုးတွေဟာ ”မဟုတ်ဘူး”လို့ ငြင်းရမှာကို အရမ်းအားနာလေ့ရှိပါတယ်။ ဒါကြောင့်၊ မေးခွန်းမေးတဲ့အခါ ”မ～ဘူးလား”　လို့ မေးလေ့ရှိပါတယ်။ 　တောင်းဆိုတဲ့ ကိစ္စတစ်ခုကို တောင်းဆိုခံရတဲ့လူက ငြင်းလို့ လွယ်အောင် အဲလိုမေးတာပါတဲ့။

ဥပမာ၊
”ထမင်းစားမလား၊ မစားဘူးလား　”ကို သိချင်တယ်ဆိုပါစို့။
”ထမင်းမစားဘူးလား”လို့ မေးလေ့ရှိပါတယ်။ အမေးခံရတဲ့လူက စားမယ်ဆိုရင် ”စားမှာပေါ့” လို့ ပြန်ဖြေပါတယ်။ မစားချင်ဘူးဆိုရင်တော့ ”ဟုတ်ကဲ့”　လို့ ပြောပါလိမ့်မယ်။ အငြင်းဝါကျကို ”ဟုတ်ကဲ့”　　နဲ့ ပြန်ဖြေနိုင်အောင် အဲလို မေးရတာပါတဲ့။ မြန်မာ့အယူအဆအရဆိုရင် ”ထမင်းမစားဘူးလား”　လို့ မေးရင် မစားစေချင်လို့လို့ ထင်မှာနော်။ 　;)

{အချပ်ပို
မခင်ဦးမေက Cbox ထဲမှာ ဒီလို လာရေးသွားတယ်သိလား။

10 Nov 08, 15:26
KOM: ချစ်တယ် မဟုတ်လား။

အမရဲ့ ဖြတ်ထိုးဉာဏ်ကောင်းမှုကတော့ ဘယ်သူ့မှ လိုက်မမှီနိုင်အောင်ပဲ။ :z အဟုတ်၊ ချီးကျူးတယ်သိလား။ ;)
ဟ ဟား။ အစ်ကိုတို့၊ မောင်လေးတို့ရေ။
မှတ်ထားကြနော်။
ဂျပန့်စတိုင်နဲ့ ငြင်းမရအောင် မေးနည်း။ ဟိ ဟိ။ :z}

အဲလိုမျိုး စကားပြောတဲ့နေရာမှာတောင် ဂျပန်လူမျိုးတွေဟာ ရှင်းရှင်းလင်းလင်းမပြောတတ်ကြပါဘူး။ ဒါကြောင့် ဂျပန်စကားကို ”あいまいな日本語”လို့ ခေါ်ပါတယ်။ ”မရေရာမသေချာ ဘာသာစကား”　တဲ့။　သူတို့ အပြောအရဆိုရင်တော့　 ”မရေရာမသေချာ ဘာသာစကား”　သုံးခြင်းအားဖြင့် တစ်ဖက်သား စိတ်ဒုက္ခရောက်အောင် မလုပ်ဘူးပေါ့ရှင်။ ဂျပန်လူမျိုးတွေသည် အရမ်းအားနာတတ်ပါသည် ။ 。。。。。အရမ်းသိတတ်ကြပါသည်။。。。。。 ရန်သူဟူ၍ မရှိပါ。。。。。。。 ပေါ့ရှင်။

ဟ ဟ၊　ပြောသာ ပြောတာပါ။တစ်ကယ်တမ်းတော့ သူတို့ကိုယ်တိုင်လည်း သူတို့သိတယ်။ စိတ်ရင်းမှန်ကို ဖွင့်ပြောရမှာ ဝန်လေးလို့ ဟန်ဆောင်နေကြတယ်ဆိုတာကိုလေ။ မိုက်တယ်နော်။ စကားလှလှလေး သုံးပြီး ပြောတတ်လိုက်တာများ ”မရေရာမသေချာ ဘာသာစကား”　တဲ့။　”စိတ်ရင်းမှန်နှင့် အပေါ်ယံ”　　တဲ့။　

လူတိုင်းမှာ ကောင်းတဲ့ အရာလည်း ရှိသလို မကောင်းတဲ့ အရာတွေလည်း ရှိကြပါတယ်။ ကောင်းတဲ့ အရာတွေ အများအပြားရှိတဲ့လူတစ်ယောက်ဟာ လူကောင်းတစ်ယောက်အဖြစ် ရပ်တည်နိုင်မှာဖြစ်ပြီး မကောင်းတဲ့အရာတွေ ပေါ်ကြွယ်ဝနေတဲ့လူတစ်ယောက်ဟာတော့ လူဆိုးတစ်ယောက်အဖြစ် ရပ်တည်ကြရမှာ လောကဓမ္မတာပါ။ လူကောင်းဟန်ဆောင်နေတော့ကော လူကောင်းတစ်ယောက်ဖြစ်လာနိုင်မှာမလို့လား။ စိတ်ရင်းကို ပြင်ယူဖို့သာ အဓိကပါ။ ကောင်းတဲ့ စိတ်ထားလေး ထားနိုင်ဖို့သာ အဓိကကျတာပါ။ စကားလှလှလေးတွေ ပြောပြီး စိတ်ရင်းမကောင်းတဲ့လူတစ်ယောက်ဟာ 　”စိတ်ရင်းမှန်နှင့် အပေါ်ယံ”　ကို အပြည့်အဝလိုက်နာကျင့်သုံးနေတယ်ဆိုတာ ငြင်းမလွဲပါပဲ။

ဂျပန်လူမျိုးတွေသာ အပေါ်ယံဟန်ဆောင်နေကြသလိုမျိုး စိတ်ရင်းကောင်းခဲ့လျှင် ရက်စက်ကြမ်းကြုတ်တဲ့ ဖက်ဆစ်စနစ် ပေါ်လာခဲ့မှာမဟုတ်ပါဘူး။ ပေါင်းသင်းဆက်ဆံရေးကောင်းလှပါချည်ရဲ့。。。。。လို့ ပြောနေတဲ့ သူတို့တွေဟာ ကိုယ့်မိဘအရင်းကို ပြန်သတ် ၊ ကိုယ့်သားသမီးအရင်းကို ပြန်သတ်နေကြတာဟာ ဘာဖြစ်လို့လဲ။ စဉ်းစားကြည့်ကြပါ။

ကျမကတော့ ကိုယ့်ရဲ့ စိတ်ရင်းမှန်ကို ရှင်းရှင်းလင်းလင်း လူသိအောင် ဖွင့်မပြောခဲ့ကြလို့၊ ဖွင့်မပြောရဲကြလို့。。。。လို့ ထင်ပါတယ်။ ဂျပန်မှာ ကိုယ့်ကိုကိုယ် သတ်သေကြတာလည်း အဲလို”စိတ်ရင်းမှန်နှင့် အပေါ်ယံ”　 ကို ကျင့်သုံးလွန်းလို့ ဖြစ်ကြရတာလို့ ထင်ပါတယ်။ ကိုယ်ဖြစ်ချင်တာကို သေသေချာချာ မပြောရဲကြလေတော့၊ လူမုန်းခံရမှာကို ကြောက်ကြလေတော့၊ ပေါင်းသင်းဆက်ဆံရေးကောင်းအောင် ဟန်ဆောင်နေရတာလေတော့　စိတ်ဖိစီးမှုတွေများပြီး အခက်အခဲတစ်ခု ကြုံတာနဲ့ သတ်သေကုန်ကြတာပါပဲ။

အပြည့်အစုံသို့....

ပြန်သိမ်းပေးပါနော်....

"ချစ်သူကို ဘယ်တော့မှ မငိုစေရဘူး"

ရယ်ချင်လာတဲ့အခါ ရယ်ချလိုက်ပါ။
ဆုံးရှုံးမှုတွေချည်းပဲ ဆိုပေမယ့်....

ပိုက်ဆံကော သတ္တိကော ဘာတစ်ခုမှ မရှိပေမယ့်
အားအင်ရှိနေသရွေ့ အသက်ရှင်နေသွားနိုင်တယ်ကွ.....

မလိုအပ်တဲ့ မာနတွေကို လွှင့်ပစ်လိုက်ရင်
မနက်ဖြန်ကို မြင်ရမှာ အသေအချာပါ...

မစိုးရိမ်နဲ့ 〜မစိုးရိမ်ပါနဲ့ကွာ.... မငိုပါနဲ့ကွာ.....
မျက်ရည်နဲ့ မလိုက်ဖက်ဘူး၊ ကိုယ့်ရင်ခွင်ထဲကို လာခဲ့ကွာ.....

ရှူးချိရှင်း ....ရှူးချိရှင်း ...ရှူးချိရှင်း
ကိုယ်တို့တစ်တွေက
အားအင်ရှိတယ် အမြဲတမ်း
ဘယ်အချိန်ပဲ ဖြစ်ဖြစ် အရှုံးမပေးဘူး

ဘဝ... ဘဝ...ဘဝ...
မျှော်လင့်ချက်နဲ့ အသက်ရှင်မယ်
ဘဝခရီးက ကြမ်းတမ်းကောင်း ကြမ်းတမ်းနိုင်ပေမယ့်
ရယ်ချင်လာတဲ့ အခါ ရယ်ပစ်လိုက်

ကိုယ် .... ဂုဏ်ယူပြီး ကတိပေးနိုင်တာ တစ်ခုပဲ ရှိတယ်။
"ချစ်သူကို ဘယ်တော့မှ မငိုစေရဘူး"

ရှူးချိရှင်း ရှိတယ် ...ရှူးချိရှင်း ရှိတယ် ...
မစိုးရိမ်နဲ့ 〜မစိုးရိမ်ပါနဲ့ကွာ.... မငိုပါနဲ့ကွာ.....

*မှတ်ချက်၊ ရှူးချိရှင်း (Bandနာမည်ကို ဆိုလိုသည်။) :z

ဂျပန်သီချင်းကို ဘာသာပြန်ကြည့်တာ။ :z ဘာသာပြန်ရတာ တော်တော်ခက်တဲ့ သီချင်း သိလား။ ;) အထာတွေနဲ့ ပြောထားတာလေ။ ဘာပြောချင်လည်းကို တော်တော်စဉ်းစားယူရတယ်သိလား။ ဟူး.......မောသွားပြီ။ :( ဦးနှောက်လည်း ပင်ပန်းသွားပြီ။ :c သီချင်းဆိုတော့ အကြောင်းအရာက ဟိုရောက်ဒီရောက်နဲ့ ဘာတွေမှန်းကို သိဘူး။ ဒါပေမယ့်၊ စာသားကတော့ လန်းတယ်နော်။ :z အဲဒီ စာသားတွေထဲက ဇာတ်ကောင်က သူ့ကောင်မလေးက သူ့ကို ချက်ချင်း ယုံကြည်အားကိုးချင်စိတ်ပေါက်အောင် ပြောနိုင်တယ်။ ဟုတ်တယ်ဟုတ်။ ;)

သီချင်းနားထောင်ချင်ရင် ဒီကိုသွားပါရှင့်။　:z

ပြန်လည်ဆန်းစစ်ခြင်း၊

ဟောတော့ ၊ သီချင်းထဲမှာ ပါတဲ့ 羞恥心(しゅうちしん)က အဓိပ္ပာယ်နှစ်မျိုးရှိတယ်သိလား။ ကယ်ကြပါအုန်း။ :y ဟင့် ဟင့်။ သူတို့ ရဲ့ Band နာမည်က 羞恥心(しゅうちしん)(ရှူးချိရှင်း )တဲ့ သိလား။ တစ်ယောက်က စာလုံးတစ်လုံးနဲ့ သုံးယောက်ဆိုတော့ သုံးလုံးပေါ့နော်။ စိတ်ကူးယဉ်ဆန်ဆန် မှည့်ထားတာတဲ့။ :c နည်းနည်းတော့ များပြီသိလား။ ကျမမှာတော့ ရှာလိုက်ရတာ။ အဲဒီ羞恥心(しゅうちしん)ရဲ့အဓိပ္ပာယ်ကို။ စိတ်တိုတယ် အဟုတ်။ စောစောတုန်းက ဘာသာပြန်ထားတဲ့အထဲက羞恥心(しゅうちしん)က အဘိဓာန်မှာပါတဲ့ အတိုင်း ပြန်ထားတာ။ သီချင်းထဲမှာ ဆိုထားတဲ့ 羞恥心(しゅうちしん)က ဘာကိုဆိုလိုချင်မှန်း သိတော့ဘူး။ သူတို့နာမည် သူတို့ ရွတ်တာလား။ အဓိပ္ပာယ်ကိုပြောတာလား သိတော့ဘူး။ တစ်ကယ်ပဲ။ တစ်ကယ်ပဲ။ ဟင့်ဟင့်။

အခု သူတို့နာမည်ကို ထည့်ပြီး ဘာသာပြန်ကြည့်လိုက်တာ ပိုအဆင်ပြေတယ်သိလား။ ဒါကြောင့် ပြန်ပြင်ရေးလိုက်ပြီနော်။ :z အရင်ဆုံး ဖတ်ထားတဲ့လူတွေကို အားတော့ နားပါတယ်ရှင့်။ :y

အပြည့်အစုံသို့....

ပြန်သိမ်းပေးပါနော်....

မိန်းမတစ်ယောက်ရဲ့ ဖွင့်ဟဝန်ခံချက်

မိန်းမတစ်ယောက်ရဲ့ ဖွင့်ဟဝန်ခံချက်.............
ဂျူး ရေးထားတဲ့ ဝတ္ထုတစ်ပုဒ်ပါ။ :z မိန်းမတစ်ယောက်ရဲ့အကြောင်းကို ကွက်ကွက်ကွင်းကွင်းမြင်အောင် ရေးသွားနိုင်တယ်သိလား။ ;) တော်တော်လေးကောင်းပါတယ်။ နည်းနည်းတော့ တစ်ဖက်စွန်းရောက်နေသလိုပဲ။ :p ဂျူးရဲ့ ထုံးစံအတိုင်းပေါ့နော်။ :z စစချင်း ပြောလိုက်တဲ့ အကြောင်းအရာက" မိန်းမနှင့်အချစ်.".....တဲ့။

ချစ်ပြီးသွားတော့ ပတ်ဝန်းကျင်က ပါလာပြီလေ။ :z

လက်ထပ်ကြပြီ။ :z
မာနတွေပါလာတော့ အနိုင်၊အရှုံး တွေ ရှိလာတာပေါ့နော်။
နောက်ဆုံးမှာတော့ မုန်းခဲ့ရပြီ။

ဝတ္ထုကောင်းလေးတစ်ပုဒ်ပါ။ ဖတ်ပြီး ဘာတွေမှန်းမသိတဲ့ ခံစားချက်တွေ ရခဲ့တယ်သိလား။ ;) အခုတလော စိတ်ညစ်ညစ်နဲ့ ဝတ္ထုဖတ်နေတာ ကောင်းတာလေးတွေ့လို့ မျှဝေလိုက်ပါတယ်။ ဂျူးပြောတဲ့ မိန်းမတစ်ယောက်အကြောင်း မှန် ၊ မမှန်တော့ ကျမလည်း သိဘူးနော်။ ;) :p

ဪ၊ မေ့လို့ အစအဆုံး ဖတ်ချင်ရင် ဒီမှာ ယူနော်။ :z

အပြည့်အစုံသို့....

ပြန်သိမ်းပေးပါနော်....

အပြောလွယ်သလောက်

တရားနဲ့ ဖြေပါ..................တဲ့။
အပြောလွယ်သလောက် ...................

အပြည့်အစုံသို့....

ပြန်သိမ်းပေးပါနော်....

တွေးမိတွေးရာ

အခုတလော အရမ်းချုချာတယ်သိလား။ တိတိကျကျပြောရရင်တော့ Hokkaido က ပြန်လာပြီးကတည်းကပဲ။မနှစ်က ဖေဖော်ဝါရီ က သွားခဲ့တာလေ။ :z အရမ်းအေးတဲ့အချိန်မှာ နှင်းမမြင်ဘူးတဲ့ ကျမက နှင်းတွေနဲ့ နေ့စဉ် ရက်ဆက် ထိတွေ့ခဲ့တယ်။ ;) Hokkaido ကလည်း ပြန်လာရော၊ ဖျားပါလေရော။ :( ဖျားတာမှ အကြီးအကျယ်ပဲ။ ချောင်းတွေကလည်း ဆိုးလွန်းလို့ နံရိုးတွေတောင် ယောင်တဲ့ အထိ။ အစကတော့ ဆေးသောက်ရမှာ၊ ဆေးခန်းသွားရမှာ ကြောက်တဲ့ အတွက် ကြိတ်မှိတ်ပြီး နေသေးတယ်။ အိမ်မှာ ရှိတဲ့ ဆေးတွေပဲ သောက်ပြီး နေနေတာ နောက်ဆုံး အိပ်လို့တောင် မရလောက်အောင် နံရိုးတွေက နာလာတယ်သိလား။ ထိုင်လို့လည်း မရ၊ အိပ်လို့ လည်း မရအောင် အခြေအနေဆိုးလာတော့မှ တစ်ယောက်တည်း ဆေးရုံသွားရတော့တယ်။ ကြောက်လိုက်တာ။ :y

ရင်ဘတ်ကို တစ်ခါ၊ ကျောကို တစ်ခါ၊ ဘေးတိုက်အနေအထားနဲ့ တစ်ခါ ၊ သုံးနေရာတောင် ဓာတ်မှန် ရိုက်ခံခဲ့ရတယ်။ အဲလောက်တောင် ဓာတ်မှန်တွေ ရိုက်နေရတော့ လန့်လာတာပေါ့နော်။ ဘာများ ဖြစ်ပါလိမ့်ဆိုပြီး။ :c အဆုတ်ပဲ တစ်ခုခုဖြစ်လား၊ ဘာလားနဲ့ ဆေးရုံမှာ တစ်ယောက်တည်း ငိုလိုက်ရတာ။ :c Result ထွက်လာတော့ အရမ်း အေးလွန်းတဲ့ နေရာကို တစ်ခါမှ မရောက်ဖူးပဲ သွားတဲ့အတွက် အအေးပက်သွားတာပါတဲ့။ ချောင်းတွေလည်း ဆိုးလာတော့ အထဲက နံရိုးတွေက ယောင်လာတာတဲ့။ ချောင်းဆိုးပျောက်ရင် အဲဒီ နံရိုးနာတာတွေလည်း ပျောက်သွားမယ်တဲ့။ တော်ပါသေးရဲ့။ :y ရောဂါ ထွေထွေထူးထူးမရှိလို့။ ;) ဒါပေမယ့် ၊ နှစ်လလောက် ခံလိုက်ရတယ်။ သေသေချာချာ အဖျားပျောက်ဖို့ကိုလေ။ :p

ဆိုင်မဆိုင်တော့မသိဘူး။ အဲဒီတစ်ခေါက် ဖျားပြီးကတည်းက ခဏခဏ ဖျားတော့တာပဲ။ ဖျားရင်လည်း ခဏနဲ့ မပျောက်။ အဖျားပျောက်ဖို့ အနည်းဆုံး၊ သုံးရက်ကြာတယ်။ ကိုယ့်ကို ကိုယ် ဂရုမစိုက်တာလည်းပါတယ်။ အဖျားက နာတာရှည်တာလည်းပါတယ်။ ပြုစုမယ့် လူမရှိတာလည်း ပါတယ်။ အဲလို အချိန်ဆို အိမ်ပြန်ချင်လိုက်တာ။ မေမေ့ကို ပိုလွမ်းတယ်သိလား။ :z မိသားစုကိုလည်း လွမ်းတယ်။ အကြောင်းအမျိုးမျိုးကြောင့် အိမ်မပြန်ရတာ နှစ်နှစ်ရှိတော့မယ်။ ရေးနေရင်းနဲ့ အိမ်ပြန်ချင်စိတ်တွေ ပိုပြီး ဖြစ်လာပြီ။ :c

နောက်ပြီး မွေးနေ့လည်းရောက်တော့မယ်လေ။ :z မွေးနေ့မှာ မိသားစုနဲ့ ခွဲနေရတာ ဒီတစ်ခါနဲ့ဆို လေးခေါက်မြောက်ပေါ့။ တစ်ယောက်တည်း မွေးနေ့ လုပ်ရတဲ့ အခြေအနေကြီးကို မရောက်ချင်ဘူး။ မွေးနေ့ရောက်ရမှာတောင် ကြောက်လာပြီ။ မနှစ်ကကော၊ တစ်နှစ်ကကော အိမ်ကို လွမ်းလွန်းလို့ လွမ်းဖျားဖျားပြီး မွေးနေ့တိုင်း ဆေးခန်းသွားရတယ်။ အစကတည်းက ဖျားမှာ ကြောက်ရတဲ့ ကြားထဲ မွေးနေ့လို နေ့မျိုးမှာ ဆေးခန်းဆိုတော့ ဟင့် ဟင့်။ ဒီတစ်ခါ မွေးနေ့ကျရင်တော့ မဖျားအောင် နေမှပဲ။ ဒါပေမယ့်၊ အခုထိ အဖျားက ကောင်းကောင်း မပျောက်သေးတော့ စိတ်ညစ်တယ်သိလား။

အပြည့်အစုံသို့....

ပြန်သိမ်းပေးပါနော်....

ခဏလေးမှ

ခဏလေးမှ တစ်ခဏလေးပါပဲ။
ဒါပေမယ့်၊ ပြောင်းလဲခြင်းတွေက မယုံနိုင်စရာကောင်းလောက်အောင်............
"ရှင်ခြင်း၊ သေခြင်း"ဆိုတဲ့ အရာတွေဟာ ဒီလောက်မြန်ဆန်ရသလား..............

အပြည့်အစုံသို့....

ပြန်သိမ်းပေးပါနော်....

နောင်တ

"နောင်တ"ဆိုတာ နောင်မှ ရတတ်သတဲ့။
အဲဒီစကား တော်တော်မှန်ပါလားလို့ သိလိုက်တဲ့အချိန်မှာတော့.................

အပြည့်အစုံသို့....

ပြန်သိမ်းပေးပါနော်....

Tokyo Dome သို့အလည်တစ်ခေါက်

မဗေဒါနဲ့ တွေ့ရာဝယ် မှာ မဗေဒါနဲ့ စတွေ့တဲ့အကြောင်းတော့ ရေးပြီးပြီ။ ဒီတစ်ခါ Tokyo Dome ကို ရောက်တဲ့အကြောင်း ရေးမယ်နော်။ :z

Tokyo Dome က ဝင်ကြေးမပေးရဘူးသိလား။ နှစ်ယောက်သား ခပ်တည်တည်နဲ့ ဝင်လာလိုက်တယ်။ စစချင်း တွေ့ရတာကတော့ ဖရုံသီးတွေနဲ့ အလှဆင်ထားတဲ့ အဝင်ဝပါ။ Halloween ပွဲတော်ရောက်ခါနီးပြီးမလို့ အလှဆင်ထားတာပါ။ လှတယ်ဟုတ်။ :zဒါလေးကတော့ အလည်လောက်ကို ဝင်လာတော့ တွေ့ရတဲ့ Halloweenလေးပါ။ သရဖူလေးတောင် ဆောင်းထားသေး။ :z ချစ်စရာလေးနော်။ ရယ်ပြနေပုံလေးက ကြောက်စရာလည်း ကောင်းဘူး။ ;) အဲဒီမျက်နှာထဲကိုဝင်ပြီး ဓာတ်ပုံရိုက်လို့ရတယ်သိလား။ :z များသောအားဖြင့်၊ ကလေးလေးတွေ ဝင်ရိုက်နေတာတွေ့ပါတယ်။ ဟိ ဟိ၊ ကလေးဆိုးကြီး နှစ်ယောက်လည်း ဝင်ရိုက်ခဲ့တယ်သိလား။ :p



ဘေးချင်းကပ်ရက်မှာ အဲဒီအရုပ်လေး သုံးရုပ်ထိုင်နေတာတွေ့လို့ သွားရောက် စပ်စုကြည့်တော့ Halloweenဝတ်စုံဝတ်ပြီး အဲဒီအရုပ်တွေနဲ့ ဓာတ်ပုံရိုက်လို့ ရတယ်တဲ့။ "ဪ၊ ဟုတ်လား။ ဒါဆို၊ ကျမတို့လည်း ရိုက်ချင်ပါတယ်" လို့ ပြောတော့ သူက "Stamp ထုပြီး လာပြပါ"....တဲ့။ Stamp လာပြရင် Halloweenဝတ်စုံနဲ့ အလကား ဓာတ်ပုံရိုက်ပေးမယ်တဲ့။ ကိုယ့် Cameraနဲ့ ကိုယ်ဆိုရင်တော့ အရုပ်နဲ့တော့ ရိုက်လို့ ရတယ်။ Halloweenဝတ်စုံတော့ ပေးမဝတ်ဘူး.....တဲ့။ :c ဟင့် ဟင့်။ Halloweenဝတ်စုံလေး ဝတ်ချင်ပါတယ်ဆိုမှ။ သူတို့က Stamp ပြမှ.....တဲ့။

ဒါနဲ့ မဗေဒါက "Stamp ရအောင် ငါတို့ လက်မှတ်သွားဝယ်ကြရအောင် "လို့ ပြောပါတယ်။ ဒီလိုနဲ့၊ လက်မှတ်ရောင်းတဲ့နေရာဆီကို ချီတက်ခဲ့တော့တာပေါ့နော်။ လက်မှတ်က ရှိသမျှစီးစရာတွေကို ကြိုက်သလောက်စီးလို့ ရတဲ့ Free pass ပါ။ :z ကံကောင်းချင်တော့ ဒီနေ့က အမျိုးသမီးတွေအတွက် အထူးနေ့ဖြစ်နေပြီး ယန်း(3000)တန်လက်မှတ်ကို ယန်း(500) Discount ရပြီး ယန်း(2500)ပဲ ပေးရတယ်သိလား။ အမျိုးသမီးဖြစ်ရတာ ဒီတစ်ခါတော့ ကောင်းတယ်။ ;)
တကယ်တော့ မဗေဒါတစ်ယောက်တည်း လက်မှတ်ဝယ်တာပါ။ သတ္တိခဲ ကျမက မဝယ်ဘူး။ ;) ဟိဟိ၊ ကျမက ဘာမှ မစီးရဲဘူးလေ။ မြင်တာနဲ့တင် လန့်နေပြီ။ :y စီးလိုက်လို့ကတော့ သေသွားမလားပဲ။ :y အဲလောက် သတ္တိကောင်းတာ။ :p မဗေဒါက သူမတစ်ယောက်တည်း ဖြစ်နေလို့ အတင်းခေါ်သေးတယ်သိလား။ ကျမက "ငါသေရင် နင်တရားခံ ဖြစ်သွားလိမ့်မယ်နော်" ;) လို့ ခြိမ်းခြောက်လိုက်တော့မှ ဒါဆိုလည်း "တစ်ယောက်တည်းပဲ စီးတော့မယ် " ဆိုပြီး ဖြစ်သွားတယ်။ :z

စစချင်း စစီးတာက Thunder Dolphinပါ။ Disney Landမှာ ရှိတဲ့ အရာထက် ပိုမြင့်တယ်ဆိုပဲ။ ကျမကတော့ ကြည့်တာနဲ့တင် လန့်လို့ ဆက်မကြည့်တော့။ ;) ဒါပေမယ့်၊ သူမကို လိုက်ပို့လိုက်ပါတယ်။ အပေါက်ဝထိလေ။ :z သူမကအမှတ်တရ နဲ့ မှတ်တမ်းတင်ခိုင်းလို့ Video ရိုက်ပေးလိုက်တယ်။ ဟိ ဟိ၊ "သတ္တိခဲကြီး မဗေဒါ၊ အဆင်ပြေပါစေ။" လို့တောင် Video ရိုက်ရင်း၊ ကျန်လက်တစ်ဖက်က လက်ပြရင်း၊ ဆုတောင်းပေးလိုက်သေးတယ်သိလား။ :zဟိုရောက်ဒီပေါက်သွားနေတဲ့ Thunder Dolphin ကြီးက အဆောက်အဦးကြီး တစ်ခုကနေ ထွက်လာသေးတယ်သိလား။
အပေါ်ကနေ မြင်ရတဲ့ Thunder Dolphin ပါ။ :z (Big-O စီးတုန်းက မြင်ရတာလေ။) ;)

တတ်သလောက် မှတ်သလောက် Camera နဲ့ Video ရိုက်ထားတာပါ။ မဗေဒါ တင်တော့မှ သေချာ ကြည့်ကြည့်တော့နော်။ :p အခုကတော့ အမြည်းပေါ့။ :z

ဆက်ရန်။
မကြာမီ ၊ လာမည်။
မျှော်။ :z

အပြည့်အစုံသို့....

ပြန်သိမ်းပေးပါနော်....