ပြောရင်းနဲ့ ကိုယ့်ကိုကိုယ်တောင် သနားလာပြီ။

"ဆရာကြီးအိမ်က နောက်တတက်နော်" လို့ Cbox ထဲမှာ အော်သွားလို့ သွားဖတ်တာ၊ ကိုယ့်ကို TAG ထားမှန်းတောင်မသိပါဘူး။ TAG ထားတယ်လို့ လည်း ပြောသွားဘူးလေ။ မယ်ဂုလို့ တော့ တွေ့သား၊ ဟိ ဟိ သေချာအောင် Link ကို စစ်ကြည့်လိုက်သေးတယ်။ ဟုတ်မှ ဟုတ်၊ ကျမမှ ကျမအစစ်တော့။ တတ်နိုင်ဘူး။ TAGတော့လည်း ရေးရမှာပေါ့။ (2)ခုတောင် TAG ထားတာ။ တစ်ခုက အရင်က မမဝါ TAGထားတဲ့ "မသေခင် (10)ရက်အလို".......တဲ့။ အဲဒါကြီးကို မရေးချင်လို့ ဟိုရှောင်ဒီရှောင် ထွက်ပြေးနေတာ၊ :z မမမြရွက်လည်း ရေးသေးဘူးဆိုတော့ အဖော်ကလည်းရှိတယ်လေ။ ဟိ ဟိ။အခုတော့ ဆရာကြီးအိမ်က TAGထားတယ်တဲ့။ ဟင့် ဟင့်။ ရက်စက်ပါ့။ TAG တော့လည်း ရပါတယ်။ဟွန်း၊ "မကြာမှီလာမည်။ မျှော်"ပေါ့။ :p

သယ်ရင်း မိုးသောက်ကလည်း အေးဆေးနေတာ မကြည့်ရက်လို့ Tag ထားတယ်နော်...... တဲ့။ ကြုံသလိုစားခြင်း.........တဲ့။

ဆရာကြီးအိမ်နှင့် သယ်ရင်း မိုးသောက် က ဒီလောက်တောင် အထင်ကြီးစွာနဲ့ ဖြစ်သလိုစား၊ ကြုံသလိုစားခိုင်းမှတော့ ရေးရတော့မှာပေါ့ရှင်။ ဟွန်း။

ကျမက ငယ်ငယ်လေးထဲက တော်တော်ကို ဟင်းဂျီးများတာရှင့်။ အသားဟင်းကြိုက်ပါတယ်။ဒါပေမယ့် ရှိသမျှအသား အကုန်မစားဘူးရှင့်။အမဲသား၊ မြင်းသား၊ ခွေးသားမစားဘူး။ ငါးဟင်းလည်း မစားဘူး။ ( အိမ်မှာ ချက်တဲ့ ဟင်းလည်း မစားပါ။) ကြက်သားဟင်းလည်း အိမ်မှာ ချက်တဲ့ ဟင်းမှလွဲ၍ မစားဘူး။ ဝက်သားဟင်းလည်း အိမ်မှာ ချက်တဲ့ ဟင်းမှလွဲ၍ မစားဘူး။ ဒါကြောင့်၊ ဆိုင်မှာသွားစားရင် အသားကြော်ပဲ စားတာများပါတယ်။ ဆီပြန်ချက်ထားသောဟင်းဆို လုံးဝမထိပါ။( အထူးသဖြင့်၊မြန်မာဟင်း )

အရွက်လည်း စားတဲ့အရွက် လက်ချိုးရေလို့ ရလောက်အောင် တော်တော်များများ မစားဘူး။

ဟင်းရည်လည်း ကြိုက်တဲ့ဟင်းရည် သိပ်မရှိဘူး။ (ဆိုင်မှာ သွားစားရင် လုံးဝမသောက်ပါ။ အိမ်မှာလည်း ကြိုက်မှ သောက်ပါသည်။)

ဖျော်ရည်လည်း မကြိုက်ဘူး။ ဖျော်ရည်သောက်လည်း ရေထပ်သောက်တယ်(ရေအရမ်းကြိုက်လို့ မေမေကဆို တစ်ခါတစ်လေ ရွဲ့ပြောတတ်တယ်သိလား။ "ကောင်းတယ်။ ရေပဲ သောက်တဲ့။အကုန်အကျ သက်သာတယ်တဲ့။" ) ;) လက်ဖက်ရည်၊ ကော်ဖီလည်း မသောက်ဘူး။ ငယ်ငယ်တုန်းကတော့ အဖွားက အတင်း ကြိမ်းမောင်းပြီး တိုက်လို့ ကော်ဖီကို ခဏ အအေးခံပြီး မြိုချတယ်သိလား။ :y ပြီးရင် ရေပြန်သောက်တယ်။ ကော်ဖီ ဘာအရသာရှိမှန်းတောင် မသိဘူး။ အသက်နည်းနည်းကြီးလာတော့ တရားဝင် ကြေငြာလိုက်တယ်။ "ရေမှလွဲပြီး လာမတိုက်ပါနဲ့လို့။ သတ်ချင်သတ်သွား သောက်ဘူးလို့။ " ;)

သစ်သီးဆိုလည်း စားတဲ့ သစ်သီးတော်တော်ရှားပါတယ်။လိမ္မော်သီးအရမ်းကြိုက်ပေမယ့် ပန်းသီးဆို ထိတောင် မထိဘူး။( တစ်စက်မှ မကြိုက်တာ။)

တော်တော်ကို ဂျီးများတာပါ။ :p ဈေးကြီးတိုင်းလည်း(ဟိုတယ်မှာ သွားစားပါစေအုန်းတော့) ကိုယ်မကြိုက်ရင် တစ်စက်လေးတောင် မထိဘူး။ စားဖို့ ဝေးလို့ ထိအောင် မထိကြည့်ပါ။

အဲလိုမျိုး အစားအသောက် ဂျီးများလွန်းတော့ တကယ်တမ်း စားတော့မယ်ဆိုရင် စားစရာက သိပ်မရှိဘူးရှင့်။ အိမ်မှာနေတုန်းကတော့ အိမ်က အလိုလိုက်ပြီး ကျမကြိုက်မယ့် ဟင်းပဲ ချက်ကျွေးတယ်လေ။ အဲ၊ အိမ်နဲ့ ခွဲပြီး အဆောင်စသွားနေကတည်းက ဒုက္ခရောက်တော့တာပဲ။ ဟိုဟာလည်း မကြိုက်၊ ဒီဟာလည်း မစားနဲ့လေ။ ဖွယ်ဖွယ်ရာရာလည်း မစားတတ်၊ သူငယ်ချင်းတွေကဆို "နင့်လို လူမျိုး မတွေ့ဖူးဘူးတဲ့။" ကောင်းချီး ထောပနာပြုပါတယ်။ :p ကြိုက်မှ စားပြီး ၊ မကြိုက်ရင် လုံးဝမစားတတ်တော့ တကယ်ကို ဖြစ်သလို စားရတာပါ။ အဆောင်မှာ လာရောင်းတဲ့ ဟင်းတွေ မစားနိုင်လို့ နေ့တိုင်း ကြက်ဥကြော်၊ တစ်ခါတစ်လေ အိပ်ရာထ နည်းနည်းစောရင် ကြက်သားကြော်(နောက်ကျရင် မရှိတော့ပါ။) စားရပါတယ်။ "တစ်နေ့လာလည်း ဒီဟင်း၊ တစ်နေ့လာလည်း ဒီဟင်း" ဖြစ်နေလို့ မြင်နေရတဲ့ ကျမ သူငယ်ချင်းတွေက ကောင်းချီး ထောပနာပြုခဲ့ကြတာပါ။ :zမေမေကတော့အမေဆိုတော့ အဲလို အစားဆင်းရဲ ဖြစ်နေတာကို သနားတာပေါ့ရှင်။ ကျမဆီ လာတိုင်း ကျမကြိုက်တဲ့ဟင်းတွေ ချက်ကျွေး၊ ဆိုင်မှာ လိုက်ကျွေးပါတယ်။(အမေ့ကျေးဇူး၊ အမေ့ကျေးဇူး ဘယ်တော့မှ မေ့ဘူး။)

ဂျပန်လာမယ်လည်းဆိုရော၊" စိတ်မချလို့ မသွားပါနဲ့လားတဲ့။ "မေမေ ဘာကို စိတ်မချတာလို့ ထင်ပါသလဲ။ :d

အစားအသောက်တဲ့လေ။(ကျန်တဲ့ကိစ္စတွေကို အပြည့်အဝ ယုံပြီးသား) :p သားသမီးအကြောင်းကို မွေးသမိခင် အသိဆုံး မဟုတ်လားရှင်။ မေမေက ပြောပါတယ်၊" မြန်မာနိုင်ငံမှာ နေတုန်းကတောင် ဒီလောက် မစားတဲ့ အရာတွေပေါတာ၊ သူများနိုင်ငံသွားရင် ဘယ်လို လုပ်မလဲတဲ့။ ဘာနဲ့ စားမလဲတဲ့။ အစားအသောက် ကောင်းကောင်းမစားရင် ကျန်းမာရေး ထိခိုက်လိမ့်မယ်တဲ့။ ဒါကြောင့်၊ မသွားပါနဲ့လားတဲ့။" :y ကျမမှာ မနည်းကတိတွေပေးပြီး ထွက်လာရပါတယ်သိလား။( ကောင်းကောင်းစားပါ့မယ်၊ကျန်းမာရေးကို ဂရုစိုက်ပါ့မယ်၊ ဘာညာသရကာပေါ့ရှင်။) :z

ဒီရောက်တော့ ကျောင်း၊ အလုပ်နဲ့ ရှုပ်လိုက်တာ အရမ်းပဲ။ အစားအသောက်အတွက် အချိန်အများကြီး ပေးရမှာ နှမြောလို့ ဗိုက်ပြည့်ရင် ပြီးရောပဲ။ အများအားဖြင့် Fast Food ပဲ စားတာ များပါတယ်။ ထမင်းလည်း သိပ်မစားဘူး။ တစ်ခါတစ်လေ ၊ သူငယ်ချင်းတွေ၊ အသိတွေနဲ့တွေ့ဖြစ်မှပဲ ဂျပန်ဆိုင်ကောင်းကောင်းမှာ သွားစားဖြစ်ပါတယ်။ ထိုင်းဆိုင်၊ တရုတ်ဆိုင်မှာလည်း တစ်ခါတလေ သွားစားပါတယ်။ နံပြားစားချင်ရင် အိန္ဒိယဆိုင်မှာ သွားစားပါတယ်။ အပေါ်မှာ ပြောတဲ့အတိုင်းပဲ ဆီပြန်ချက်ထားသောဟင်း ဆို သိပ်မစားတော့ မြန်မာဆိုင်ကို သိပ်မသွားစားဖြစ်ပါ။ ကိုယ်တိုင်လည်း မချက်တတ်တော့............။ :p

ပြောရင်း ပြောရင်းနဲ့ ကိုယ့်ကိုကိုယ်တောင် သနားလာပြီ။ :c

{စကားမစပ်၊ ကျမရဲ့ ပေါက်ကရ အစားအသောက်တွေစိတ်ဝင်စားရင် စားချင်တယ်၊စားချင်တယ် Post မှာ ဖတ်ကြည့်လို့ရတယ်နော်။} :p ;)

မနက်တုန်းက အိပ်ချင်မူးတူးနဲ့ ထရေးထားတာ TAG ဖို့ မေ့သွားတယ်။ :p ဘယ်ရမလဲကွ။ တို့လည်း TAG မှာပေါ့။ ဟား ဟား ဟား ရေးဖို့ သာ ပြင်ထားကြပါ။ အားမနာ လျှာမကျိုး TAG လိုက်ပါပြီ။ :z

TAG ခေါင်းစဉ်က ဖြစ်သလို ၊ ကြုံသလိုစားခြင်းတဲ့။ :p TAG ခံရတဲ့ ကံထူးရှင်တွေက ;)

New post မရေးပဲ အပျင်းကြီးနေသော မိုးပြေး :p (ရေးပြီး)
မယ်ဂုကြီးလို့ ခေါ်တတ်သော (ကို) Repulic လေး ;)
အမကို ကလေးထိန်းခိုင်းသော မောင်စုတ်ပလုတ် ကိုဝေ :)
ဟာသဉာဏ်ရှိသော စက်မှု(ကိုဉာဏ်) :p (ရေးပြီး)
ကိုယ့်ညီမလေးကို ရေပဲတိုက်မယ်ပြောတဲ့ ကိုရှင်ရဲထွတ်ကြီး ;) (ရေးပြီး)
ငယ်ချင်ယောင်ဆောင်ထားသော (ကို)မောင်ငယ် :)　 (ရေးပြီး)
ခဏခဏ ဟင်းချက်တတ်သော အကိုကြီးအောင်ဦး :p (ရေးပြီး)
ကဗျာရေးကောင်းသော ကို Idulize ;) (ရေးပြီး)
အဖော်လာညှိတတ်သော မမဆောင်း :) (ရေးပြီး)
ဟင်းချက်ကောင်းသော မမမြရွက် :p (ရေးပြီး)
"ဒီနေ့ ဒါချက်တာလေ" :p ဆိုပြီး ခဏခဏလာကြွား၊ အဲလေ၊ လာပြောပြတတ်သော မမမြတ်နိုး ;) (ရေးပြီး)
Pooh ထမင်းဘူးလာလုသော မီးငယ်လေး :) (ရေးပြီး)
အကြိုက်ချင်းတူသော မဗေဒါ :p (ရေးပြီး)
ချစ်စရာကောင်မလေး နှင်းလေး ;)　 (ရေးပြီး)
အမြဲဆုတောင်းပေးတတ်သော မမပုလဲဖြူ :) (ရေးပြီး)
နာမည်လှလှလေးနဲ့ မမမေအိခင် :p (ရေးပြီး)

ဖြစ်နိုင်ရင် ရေးပေးစေချင်ပါတယ်။ မဖြစ်နိုင်ရင် အတင်းမတောင်းဆိုပါဘူး။ ကျမကို ခင်တယ်ဆိုရင်တော့ ............ :y